In^a) dei nomine amen. Per hoc presens publicum instrumentum cunctis ipsum intuentibus pateat evidenter, quod sub anno a nativitate domini millesimo trecentesimo nonagesimo septimo, indictione quinta, pontificatus L sanctissimi in Christo patris et domini domini Bonifacii digna dei providencia pape noni anno octavo, mensis aprilis, die quinta, hora completorii vel quasi, in opido Rapreschwil¹ Const(anciensis) dyocesis et ibidem L in stuba domus inhabitacionis Heinrici Stubenweg in mei notarii publici et testium subscriptorum presencia personaliter constitutis valido et discreto viro Hermanno de Landenberg alias de Werdegg² L armigero ex una et Rudolffo dicto de Werdegg³ clerico Const(anciensis) dyocesis ex parte altera. Idem Rudolffus de Werdegg primo proposuit fatebatur et recognovit, ex quo sibi prefatus Hermannus de Landenberg libere gracioseque propter deum contulisset ecclesiam parrochialem in Gossow⁴ ipsumque pro rectore vero et perpetuo nullis adiectis condicionibus presentaverit ad eandem, quod ipse Rudolffus horum intuitu consideratisque promocionibus consiliis auxiliis defensionibus multimodisque beneficiis sibi iam factis et que sibi amplius inantea per eundem Hermannum fieri confideret et spectaret contentari vellet seque contentum fore dixit et affirmavit in quantitate prebende subscripta videlicet in oblacionibus anniversariis et remediis dicte ecclesie pertinentibus et in sedecim frustis frumenti, quorum duodecim in trittico et quatuor in avena eidem Rudolffo cedere debent et fieri singulis annis de omnibus fructibus decimis et redditibus quibuscumque ipsius ecclesie antedicte, quodque prefatus Hermannus de Landenberg vel eius heredes eo non existente de residuis fructibus et redditibus predicte ecclesie ipsos in proprios usus convertendo et habendo aut aliis distribuendo adlibitum facere et disponere habeant et possint sine ipsius Rudolffi rectoris contradictione et impedimento, illa tamen condicione, si prenominatus Hermannus de Landenberg ab humanis decederet, nullis post se liberis de ipso legitime genitis derelictis, quod tunc prescripta prebenda dicto Rudolffo ad tempus vite sue per addicionem quatuor urnarum vini et viginti frustorum frumenti, quorum sedecim in trittico et quatuor in avena sint, singulis annis debet augeri seu augmentari, ita quod tunc corpus sue prebende exclusis oblacionibus anniversariis et remediis extendat se ad triginta quatuor frusta frumenti et quatuor urnas vini, que omnia ipse Rudolffus tunc habere debet et recipere in et super omnibus et singulis fructibus decimis et redditibus sue ecclesie antedicte. Si vero ipse Hermannus de Landenberg in vita sua existens ius patronatus aliaque iura, que habet in et super ecclesia sepedicta, venderet aut alias in manus alterius resignaret, tunc ante huiusmodi vendicionem seu resignacionem idem Hermannus debet et tenetur prefato Rudolffo de predictis quatuor urnis vini et viginti frustis frumenti providere ipsumque tutare de eisdem super bonis suis propriis, ut ipse Rudolffus habeat eadem post ipsius Hermanni decessum, si sine liberis decesserit, ut premittitur, cuiusvis contradictione circumscripta. Obligavit quoque prefatus Rudolffus se ipsum per fidem suam corporaliter prestitam, si et in casu, quo contingeret, quod ipse dictam ecclesiam racione adepcionis alterius beneficii ecclesiastici vel quibusvis aliis de causis vellet resignare, quod tunc idem Rudolffus huiusmodi resignacionem sine dampno et gravamine quolibet ipsius Hermanni facere velit et teneatur. Quodque ipse Rudolffus sine consensu prefati Hermanni aut eo non existente suorum heredum numquam se obliget ad aliquod civilegium alicuius civitatis vel opidi aut ad quamcumque aliam compromissionem conspiracionem seu defensionem alicuius communitatis. Quibus sic, ut prescribitur, propositis a partibus antedictis ipse partes et quelibet ipsarum michi notario publico subscripto fide data promiserunt nomine iuramenti omnia premissa et singula facere et adimplere rata et grata tenere nec contra ea seu aliquod ipsorum verbo vel facto facere vel venire in iudicio vel extra quovis quesito ingenio vel colore dolo et fraude in hiis et circa ea, ut asseruerunt, penitus circumscriptis, super quibus dicte partes me notarium publicum requirebant sibique fieri postularunt duo publica instrumenta. Acta sunt hec anno domini indictione pontificatu die hora et loco prescriptis presentibus discretis dominis et viris domino Oschwaldo Mulistein camerario decanatus Thuricensis plebano in Rapreschwil, domino Johanne primissario ibidem, domino Rudolffo Windegger cappellano altaris sancte Kath(erine) in ecclesia Rapreschwil⁵, domino Johanne Gross de Rutlingen⁶ presbitero Const(anciensis) dyocesis, Johanne de Wilberg⁷ armigero et Heinrico Stubenweg opidano opidi Rapreschwil testibus ad premissa vocatis pariter et rogatis. (ST) Et ego Nicolaus Cristiani publicus auctoritate imperiali et prothonotarius opidi Rapreschwil predicti, quia premissis omnibus et singulis, dum tempore et loco prescriptis agerentur et fierent, unâ cum prenominatis testibus presens interfui eaque sic fieri vidi et audivi, idcirco hoc presens publicum instrumentum manu mea propria scribendo exinde confeci signoque meo solito et consueto signavi requisitus ut prescribitur in testimonium premissorum.