Wir^a) Wenczlaw von gotes gnaden Romischer kunig zu allen czeiten merer des reichs vnd L kunig zu Beheim embieten dem burgermeister rate vnd burgern gmeinlichen der stat zu L sant Gallen vnsern vnd des reichs liben getrewen vnser gnade vnd alles gute. Liben getrewen, L vmb die gewonlich stewer, die ir vns vnd dem reiche jerlichen zu geben pflichtig seyt, heissen vnd gebieten wir euch ernstlichen vnd vesticlichen bey vnsern vnd des reichs hulde, das ir dieselbe stewer dem edlen Wilhelm Vraumberger⁴ vnserm dyner vnd liben getrewen oder seinem boten von seinen wegen vnd nymanden anders vf sand Merteins tage, der schirist komet, gentzlichen vnd vnuerczogenlichen gebet vnd beczalet. Wann so ir das getan habt, so sagen wir euch derselben stewer als von disem jare von vnsern vnd des reichs wegen in kraft dicz briues genczlichen vnd gar queit ledig vnd loze. Mit vrkunt dicz briues vorsigelt mit vnserr kuniclichen maiestat insigel. Geben zu Prage noch Crists geburt dreyczehenhundert vnd dornach in dem sibenvndneunczigisten jare, des dinstages noch sand Johans tag des Tauffers, vnserr reiche des Behemischen in dem funfvndczweinczigisten vnd des Romischen in dem einvndczeinczigisten jaren.