Bonifacius etc. Dilecto filio .. proposito ecclesie sancti Johannis de Cisano¹ Mediolanensis² diocesis salutem et apostolicam benedictionem. Dignum arbitramur et congruum, ut illis se reddant sedes apostolica gratiosam, quibus ad id propria virtutum merita laudabiliter suffragantur. Volentes itaque dilectum filium Johannem de Kossow^a)3 clericum Constanciensis diocesis, qui ut asseritur baccallarius in artibus existit et Papie⁴ in iure canonico studet, apud nos de vite ac morum honestate aliisque probitatis et virtutum meritis multipliciter commendatum horum intuitu favore prosequi gratiose discrecioni tue per apostolica scripta mandamus, quatenus si per diligentem examinacionem eundem Johannem ad hoc ydoneum esse repereris, super quo tuam conscientiam oneramus, ei de uno in sanctorum Felicis et Regule Thuricen(si)⁵ ac de alio in sancti Pelagii Episcopaliscelle⁶ dicte diocesis ecclesiis canonicatibus cum plenitudine iuris canonici auctoritate nostra provideas faciens ipsum Johannem vel procuratorem suum eius nomine in singulis earundem ecclesiarum auctoritate predicta in canonicum recipi et in fratrem stallo sibi in choro et loco in capitulo cuiuslibet ipsarum ecclesiarum cum dicti iuris plenitudine assignatis ac unam in sanctorum Felicis et Regule et aliam in sancti Pelagii ecclesiis predictis prebendas, si que vacant ad presens vel cum simul vel successive vacaverint, quas dictus Johannes per se vel procuratorem suum ad hoc legitime constitutum infra unius mensis spacium, postquam tibi vel eidem procuratori vacacio illarum innotuerit, duxerit acceptandas conferendas eidem Johanni post acceptacionem huiusmodi cum omnibus iuribus et pertinenciis suis donacioni tue eadem auctoritate reserves districtius inhibendo venerabili fratri nostro .. episcopo Constanciensi et dilectis filiis capitulis dictarum ecclesiarum ac illi vel illis, ad que vel ad quos in ipsis ecclesiis prebendarum collacio provisio presentacio seu quevis alia disposicio pertinet communiter vel divisim, ne de dictis prebendis interim eciam ante acceptacionem eandem nisi postquam eis constiterit, quod Johannes vel procurator predicti illas noluerint acceptare, disponere quoquo modo presumant ac nichilominus prebendas ipsas, quas reservabis, si ut premittitur vacant vel cum simul vel successive vacaverint, eidem Johanni post acceptacionem huiusmodi cum omnibus iuribus et pertinenciis suis auctoritate predicta conferas et assignes induces per te vel alium seu alios eundem Johannem vel procuratorem suum eius nomine in corporalem possessionem prebendarum iuriumque et pertinenciarum predictarum et defendens inductum sibique faciens de ipsorum canonicatuum et prebendarum fructibus redditibus proventibus iuribus et obvencionibus universis integre responderi, contradictores auctoritate nostra appellacione postposita compescendo, non obstantibus de certo canonicorum numero et quibusvis aliis statutis et consuetudinibus ipsarum ecclesiarum contrariis iuramento confirmacione apostolica vel quacumque firmitate alia roboratis aut si aliqui apostolica vel alia quavis auctoritate in eisdem ecclesiis in canonicos sint recepti vel ut recipiantur insistant, seu si super provisionibus sibi faciendis de canonicatibus et prebendis in dictis ecclesiis speciales aut aliis beneficiis ecclesiasticis in illis partibus generales dicte sedis vel legatorum eius litteras impetrarint, eciam si per eas ad inhibicionem reservacionem et decretum vel alias quomodolibet sit processum, quibus omnibus eciam auctoritate nostra in ipsis ecclesiis receptis vel prebendas expectantibus in eisdem preterquam venerabilibus fratribus nostris sancte Romane ecclesie cardinalibus et dilectis filiis familiaribus nostris dictum Johannem in assecutione^b) prebendarum predictarum voluimus anteferri, sed nullum per hoc eis quoad assecucionem prebendarum aut beneficiorum aliarum preiudicium generari, seu si eisdem episcopo et capitulis vel quibusvis aliis communiter vel divisim ab eadem sit sede indultum, quod ad recepcionem vel provisionem alicuius minime teneantur et ad id compelli aut quod interdici suspendi vel excommunicari non possint, quodque de canonicatibus et prebendis ipsarum ecclesiarum vel aliis beneficiis ecclesiasticis ad eorum collacionem p(r)ovisionem presentacionem seu quamvis aliam disposicionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mencionem et qualibet alia dicte sedis indulgencia generali vel speciali, cuiuscumque tenoris existat, per quam presentibus non expressam vel totaliter non insertam effectus earum impediri valeat quomodolibet vel differri et de qua cuiuscumque toto tenore habendo sit in nostris litteris mencio specialis, aut si dictus Johannes presens non fuerit ad prestandum de observandis statutis et consuetudinibus ipsarum ecclesiarum solita iuramenta, dummodo in absencia sua per procuratorem ydoneum et cum ad ecclesias ipsas accesserit corporaliter illa prestet. Nos enim si dictus Johannes ad hoc repertus fuerit ydoneus ut prefertur, exnunc perinde irritum decernimus et inane, si secus super hiis a quoquam quavis auctoritate scienter vel ignoranter contigerit attemptari ac si die date presencium eidem Johanni canonicatus ecclesiarum predictarum contulissemus ac prebendas, si que tunc in dictis ecclesiis vacabant vel cum vacarent ibidem, quas idem Johannes duceret acceptandas ut prefertur, conferendas eidem Johanni post acceptacionem huiusmodi donacioni apostolice cum interposicione decreti duxissemus specialiter reservandas. Datum Rome apud sanctum Petrum secundo idus iullii anno octavo. N.1. de Ben^to.