Ich Itel Wermaister burger zu Wangen¹ thuen khunt für mich vnnd meine erben^a), daß ich^a) dem frommen vesten herren Conrathen von Brastberg² ritter vnnd allen seinen erben^a) mit disem brieff^a) zu khauffen deß^b) nachbenembten leut vnnd gut vnnd jährlich zinß vnnd gelt, deß ersten die burg vnndt dz burgstal Haldenberg³, darin der buw hoff gehört vnnd dz jährlich gilt vnnd gelten soll 7 malter haber^a), item dz guet zu Wintheüser⁴, das jährlich gilt^a), so sind dis die leüt, des ersten Frickhen Schneiders ietzig weib vnnd seine kind, Konen Hitten weib^a), vnnd also han ich im vnnd seinen erben die vorbenembten leüt vnnd gutt auch jährliche zinß vnnd gelt gegeben mit diensten nutzen zuegehordten gewohnhaiten vnnd rechten, so von altar von gewohnhait oder von rechtswegen darinn vnnd dartzue gehören soll oder mag, wie ich die biß auff den heütigen tag, als der brieff geben, herbracht ingehabt genossen vnnd besessen han, es sey an ehehafftingen an zwingen an bennen an äckher an wysen an wasen an zwey an holtz an feld an waid an tratt an weeg an steg an wasserflüssigen an stenden an wasserlaittinen an weytrattinen an ergeten an auwen an breilen an worden ob erd vnnd vnder erd, es sey funden oder werd nach funden gesuchts vnnd ohngesuchts benembts vnnd ohnbenembts zuebesetzend vnnd zue endsetzen oder wie dann dz alles genembt oder gehaissen ist, gar vnnd gäntzlich nichts ausgenommen, vnndt auch alles für recht ledig vnuerkümert vnnd für recht lehen von dem ehrwürdigen den^b) gottshauß St.Gallen, vnnd wann die obgenambten leüt vnnd gutt allso lehen sind, so han ich die mit der lehenschafft in des obgenembten herren Conrathen von Brastberg handt vnnd gewalth gebracht^a), also dz er vnnd seine erben die vorbenembten leütt vnnd gutt vnnd jährliche zinß vnnd gelt mit allen diensten nutzen zuegehördten vnnd rechten nun fürbas ewigklich inemmen jährlich gereibklich^b) innemmen niessen^a) one mein vnnd meine erben vnnd menigklichs^a) ansprach vnnd widerred^a), darum mir^a) bezahlt dreyzehenhundert pfundt alles gutter genger vnnd geber Italiger haller^a). Geweren sind diß khauffs die erbaren vesten leüt Dietzen den Horwer, Andrassen Wermaister meine lieben brüeder, Classen Merbotten burger zue Wangen vnnd Dietreichen Wehrmaister burger zue Wangen ⁾. Mit verthigung deß khauffs vnnd verzeihung aller freyhaiten mit besiglung des verkheüffers vnnd der gewehrung aller aigen innsigel^a). Actum den nechsten freytag vor St.Jacobstag deß mehren anno 1397.