Ich^a) Rudolff von Rosenberg der junger her Rudolffs sun von Rosenberg gesessen L ze Bernang¹ im Rintall tun kunt vnd vergich des offenlich mit disem brieff L von des jarlichen geltz wegen der hundert pfunt haller geltz, so die edeln wolLerbornnen heren graff Rudolff^b) vnd graff Hug von Werdenberg² gebruder jarlichs gebunden sint ze gebent dem beschaidnen Hainrichen Cristan burger ze Costentz ab der vesti vnd statt ze Rinegg³ mit ir zu gehord halb vff santt Johans tag des Thoffers vnd das ander halbtaill vff sant Martins tag in dem herbestt, vnd darvmb mit anderen angulten angult gewesen ist der obgenant min vatter, alz der brieff wist vnd seit, der dar vber besigelt geben ist, vnd won der obgenant min lieber vatter her Rudolff von Rosenberg ritter von krankait sins libes vnutz laider worden ist, dar vmb so bin ich an des selben mins vatters statt von bett wegen der obgenantten heren des selben Hainrichs Cristans angult worden vmb dz obgenant jarlich gelt vnd hab och gesworn ainen gelertten aid ze den hailgen, dz obgenant jarlich gelt fur mich vnd min erben dz obgenant jarlich gelt dem selben Hainrichen Cristan vnd sinen erben ze weran vnd vss ze richten ze den vorgenanten ziln, vnd sol och darvmb laisten vnd verbind mich och des mit disem brieff in aller der wiss vnd mass, alz sich des der obgenant min vatter verbunden hett vnd alz des selben Hainrichs Cristans hoptbrieff wist vnd seit. Vnd des alles ze warem vnd offem vrkunt dirre ding gib ich obgenantter Rudolff von Rosenberg min insigell an disen brieff. Der ist geben, do man von Cristes geburt zalt drutzechen hundert jar, darnach in dem siben vnd nuntzigosten jar, an sant Jacobs abend des zwelffbotten.