Wir^a) Leupolt von gots gnaden hertzog ze Osterrich¹ ze Steyr ze Kernden vnd ze Krain graf ze Tyrol etc. L tun kunt, als wir von der ordenung wegen vnser lande, so wir vnd vnser lieber bruder hertzog Wilhelm² L nach vnsers lieben herren vnd vettern hertzog Albr.³ seligen tode uberain worden sein, all gnad recht freiLheit vnd gut gewonheit in vnser yeglichs landen vnd gebietten, der man vns mit vnser vordern brief redlich beweiset, von newen dingen bestetten vnd vernewen, also komen fur vns die erbern weisen vnser lieben getrewen der amman der rat vnd die burger gemeinlich vnser stat ze Rynegg⁴ vnd batten vns, daz wir in vnd irer stat geruchten ze bestetten vnd ze vernewen all ir recht freihait brief vnd gut gewonheit, die sy von kaysern kunigen vnd nemlich von den durluchtigen fursten weilent kunig Rudolfen vnd kunig Albr. vnd darnach von kayser Ludwigen vnd kayser Karln vnd von andern herren, ee sy zu vnsern handen komen wern, hietten. Da haben wir angesehen der egenanten vnserr burger fleizzigen bet vnd haben in all ir recht gnad freihait brief von den egenanten fursten kayser kunigen vnd herren habent vnd gut gewonheit, die sy vntz vf disen heutigen tag herbracht habent, von newen dingen bestett vnd vernewt bestetten vnd vernewen in auch wissentlich mit dem brief, also daz sy vnd ir nachkomen fur basser bey denselben iren rechten gnaden freihaiten briefen vnd guten gewonheiten an meniclichs irrung vnd hindernusse beleiben vnd die niessen sullen in aller der mass, als sy die bis her genossen vnd herbracht habent, an geuerde. Dauon emph(ele)n wir vnsern lieben getrewen allen vnsern lantvogten grafen freyen herren rittern vnd knechten phlegern purggrauen burgermeistern schultheizzen vnd reten in allen vnsern stetten vnd auch andern vnsern amptluten vnd vndertanen, den dirre brief gezaigt wirt, vnd wellen auch ernstlich, daz sy die egenanten vnser purger von Rynegg bey den vorgenanten gezaigt wird, vnd wellen auch ernstlich, daz sy die egenanten vnser purger von Rynegg bey den vorgenanten iren rechten freiheiten briefen gnaden vnd guten gewonheiten beleiben lassen vnd sy auch von vnsern wegen dabey vesticlich halten vnd schirmen vnd in dawider niemand dhainen gewalt noch vnrecht tun lassen in dhainen weg, wan das gentzlich vnser meynung ist. Mit vrkund ditz briefs. Geben ze Rynegg an zinstag vor vnser frowen tag nativitatis nach Kristi gepurde dreutzehenhundert jar vnd darnach in dem siben vnd newntzigisten jar.