Wir^a Burkart von gottes gnâden abbt des gotzhûsz ze Pfauers¹ sant Benedicten ordens in Curer bystum gelegen bekenLnent vnd tund allermanklichem mit disem brief ze wissen, dz uff disen tag, als dirre brief geben ist, fur vns kam vnser lieber getruwer||
Hainrich von Wilberg² vnd batt demutklich, dz wir im vnd Gepen von Wilberg³ siner swoster wylont Werlis Giels⁴ saligen elichen frowen||
disu nachgeschriben guter, des ersten den Bollinger⁵ wald, item des Schniders hof, item des Schnetzers hof, item Vlis Engellinen hof vnd die reben, dz alles ze Bollingen obrent Wurmspach⁶ vnd vndrent Schmarken⁷ gelegen vnd manlehen ist von vns vnd vnserm gotzhûs, dz si ouch alles von Hansen von Wilberg⁸ saligen irem vatter anerstorben vnd angeuallen war, lihen geruchtint. Also habint wir in erhort vnd habint inen baiden du vorgeschriben guter mit allen zugehorden ze manlehen gelihen vnd lihent inen ouch mit krafft ditz briefs, was wir inen von rehts wegen dar an lihen mugent vnd sollent, inen von vns vnd vnserm gotzhus inn ze habenn vnd ze niessen, als lehens reht ist, an geuard. Doch habint wir namlich vns vnd vnserm gotzhus vorbehalten vnd gedingot, dz dis vorgeschriben lihen, so wir der eges(aiteⁿ Gepen von Wilberg getân vnd gelihen habint von gnaden vnd nit von rehts wegen, won die vorgeschriben guter manlehen sint, vns vnserm gotzhûs vnd vnsren nachkomen an der manlehenschafft vnd an allen vnsren rehten vnd gewonhaiten gantzlich vnschadlich vnd vnuergriffenlich sol wesen an geuard. Item ouch habint wir den vorgesaiten zwain geswustergitten vnd allen iren erben ainen hof ouch ze Bollinginen^b by der kilchen gelegen genant Grôss Vlis hof ze ainem rehten zinslehen vmb ahtzehen schilling pfening Zurcher muns jarlichs zinsz gelihent vnd lihent ouch fur vns vnd vnser nachkomen mit kraft ditz briefs, die selben ahtzehen schilling pfenning sy vnd ir erben, ob sy enwarint, vns vnserm gotzhûs oder vnsren nachkomen, ob wir enwarint, jarlichen uff sant Martis tag rihten vnd bezalen sond an geuard vnd an als verziehen. Dises alles ze wârem offem vrkund vnd ewiger sicherhait vnd bestatung habint wir vorgenanter abbt vnser insigel gehenkt offenlich an disen brief. Der geben ist ze Wartenstain⁹ an vnser frôwen abent ze herbst, do man von Cristi geburt zalt vierzehenhundert jar vnd dar nach im funften jar.