Wir vorges(chribeⁿ Hainrich vnd Gep von Wilberg habint ouch mit vnser truw an aid statt gelobt vnd verhaissen, dem vorges(chribeⁿ vnserm lieben herren vnd sinem gotzhûs von den vorges(chribeⁿ lehenn ze dienent vnd ze tund alles das, so ain lehenman vnd ain lehenfrow irem herren von gwonhait vnd rehts wegen von solichen lehen billichen tun sond. Wir habint ôuch den hof ze Bollingen by der kilchen gelegen genant Grôss Vlis hof von dem vorges(chribeⁿ herren vnd sinem gotzhus vns vnd allen vnsren erben ze ainem rehten zinslehen vmb ahtzehen schilling pfenning Zurcher muns jarlichs zinsz enpfangen, die selben ahtzehen schilling pfenning wir vnd vnser erben im sinem gotzhus vnd sinen nachkomen jarlich uff sant Martis tag von dem vorgenanten Grôss Vlis hof ze rehtem zins rihten vnd geben sond an geuard vnd an alles verziehen. Dises alles ze wârem offemm vrkund vnd ewiger sicherhait vnd bestatung han ich vorgesaiter Hainrich von Wilberg min aigen insigel fur mich vnd min erben vnd fur min egesaiten swoster, der geborner vogt ich bin, vnd ich egesaite Gep von Wilberg min aigen insigel ouch fur mich vnd min erben gehenkt offenlich an disen brief. Der geben ist ze Raprenswil¹ am nahsten fritag nach vnser frôwen tag ze herbst, do man nach Cristi geburt zalt vierzehenhundert jar vnd dar^b im funften jar.