Wir^a Fridreich von gots gnaden hertzog ze Osterreich¹ ze Steyr ze Kernden vnd ze Krain graf ze Tyrol etc.||
bekennen, als vnser lieber getrewr Herman Gessler vnser vogt ze Raperswil² vnser soldner die funfvndzwaintzig||
knecht, so wir daselbs ligend haben, irs solds drewhundert phunt haller auf zwen manat, die sich endent zu||
ausgeender pfingstwochen nechtskunftig, bezalt hat vnd auch vnsern puchsenmaister daselbs vmb funfvndzwaintzig pfunt haller seins jarsolds von vnsern wegen auch hat ausgerichtet, daz wir also fur die hochgeboren fursten vnser lieb bruder vns vnd vnser erben dem vorgenanten Gessler vnd seinen erben versprechen bey vnsern furstlichen gnaden mit rechter wissen in craft ditzs briefs, daz wir sy vmb dieselben summ der drewhundert vnd funfvndzwaintzig phunt haller wellen vnd sullen ausrichten vnd bezalen auf sant Margreten tag nechstkunftigen gentzlich an alles vertziehen vnd geuerde. Gescheh des aber nicht, was sy des hinfur denn kuntlich scheden nemen, dieselben scheden mit sampt dem haubtgut sullen vnd wellen wir in auch ausrichten vnd abtun an all arglist vnd geuerd. Mit vrkund ditzs briefs. Geben ze Costentz an sampstag nach dem heligen auffarttag nach Krists gepurde in dem viertzehenhundertisten vnd dem sechsten jare.