Ich^a Peter Meijger vnderuogt ze Rapreschwîl¹ tun kunt vnd vergich offenlich||
mit disem brief, daz fur mich kament fur offenn gericht Arnolt Wissling||
burger ze Rapreschwil vnd Cunrat Diessenhofer, vnd seit des ersten der||
vorgenant Arnolt Wissling, als er vor ziten etwie lang eins vogtz statt gehalten hett ze Rapreschwil, daz do Cunrat Gegewind zwei tuch eins rot daz ander grun vor im verrechtoti nach der statt recht, darnach seit der egenant Cunrat Diessenhofer, als er ze den selben ziten weibel gewesen war, daz er die vorgeschriben tuch darnach vff offner gant verrufft vnd verkofft habe vnd daz sy dem obgenanten Cunrat Gegenwind belibind nach der gant recht. Vnd daz seiten die vorgenanten Arnolt Wissling vnd Cunrat Diessenhofer^b also bi ir eiden, so sy der statt vnd dem gericht geschworen hatten. Vnd des ze warem vrkund han ich der obgenant vogt min insigel von des gerichtz wegen ze end diser geschrifft gedrukt vff disen brief. Der geben ist an dem nachsten mentag nach sant Vlrichs tag nach Crists geburt vierzehen hundert jar, darnach in dem sechsten jare.