Vnser^a willig fruntlich dienst vor besunder lieben frund vnd eitgen(osseⁿ. Als ir vns nehste verschriben vnd ze wissende getan||
hand, was von der buntnusse wegen, so die herren vnd stette vnd ouch ir miteinander haltent, ze Andernach¹ gesucht sie||
vnd man gerne sehe, das der selb bunt abgelassen wurde, das aber die herren stette vnd ir, die desselben bundes sint, nut||
meynent ze tunde etc., sollent ir wissen, das vns die notuestikeit an den stetten herren vnd uch wol gefallet vnd zemal gerne horent, wand soltent sich herren vnd stetten nut getorren noch mogen zesammen verbinden ane vrlobs eins kuniges, so mohte wenig yemand beliben weder bi friheit noch bi altem harkomen. Lieben frund, als Burkart Munich von Lantzkron² edelkneht bi vnserem herren hertzog Friderichen von Osterrich³ etwas zites ze Schaffhusen⁴ gewesen vnd noch ist, dem hatten wir verschriben, vns were furkomen, das vnsers herren des kuniges botschafft der von Winsperg⁵ werbende were, einen friden vnd richtunge ze machende zwuschent vnserem herren von Osterrich vnd den von Aptzelle⁶, wie es darumb stunde, baten wir in vns das ze wissende lassen. Der hat vns dâruff verschriben, als die abgeschrifft wiset, die wir uch harinne sendent beschlossen, vnd hat Henman von Erenfeils⁷ vnserem zunfftzmeister enbotten, wie vnd in weler massen der fride zugange, welle er in eigentlichen lassen wissen, als balde das ze ende kome. Wenn das geschiht, wellen wir uch ouch furderlichen lassen wissen vnd verschriben. Datum feria quarta ante Margarethe anno etc. CCCCo sexto. Arnolt von Berenfeils⁸ ritter burgermeister vnd der rat ze Basel.