Wir Fridreich¹ etc. bekennen offenlich mit dem brief fur vns vnd alle vnser pruder vnd vetter vnd vnsern erben, als Herman Gesseler² vnser vest ze Raperzweil³ inngehebt hat vnd daselbs vnser vogt gewessen vnd aber zu Zurch burger worden ist, versprechen wir mit dem brief bey vnsern gnaden, denselben Herman Geseler vnd sein helfer vnd die, so zu im gehorent, dar vmb nicht ze vachen noch ze bekunbern noch nyemant von vnser wegen noch schaffen getan durch niemand in aller der mass, als ob sich das burgrecht Zurich von im nie erhebt hett, an geuerde. Vnd sol och vnser noch der vnsern vngnad von der sach wegen nicht haben so denn von zwaier brief wegen, so vnser lieber herr vnd pruder herrtzog Leupp(ol^t hertzog ze Osterrich⁴ etc. inn hat von Rinfelden⁵ der vest wegen, ain von dem genanten Herrman Gesseler, den andern von vnsern lieben ge(tr^uwen weilent Hainr. Gesselern⁶ seinem vatter saligen, dieß brief baid tuend wir hin vnd ab vnd vernichten sy mit dem brief gentzlich. Sullend och sy hinfur noch ir erben nicht mer binden in aller mass, als ob sy vns nie geben noch geantwurt wern. Des ze warem vrkund haben wir in disen brief versigelten geschaft mit vnserm furstlichen anhangenden insigel. Geben vff samstag nechst nach vnser frawen tag ze mittem augsten anno CCCC VIto.