Allen^a den, die disen brieff ansehent oder horent lesen, kund ich Rudolff von Rôsenberg von||
Zukenriet herrn Rudolffs salgen von Rôsenberg¹ ritters wilunt elicher sun vnd verLgich offenlich mit disem brieff fur mich vnd alle min erben, das ich mit gantzem wilLlen vnd gern die schuppus gelegen ze Edleswille² in dem vnd vmb das dorff mit allen iren rehten vnd zugehorden, die selbe schuppus von mir vnd von minen erben, ob ich enbin, reht lehen ist, verlihen han vnd verlih mit vrkund dis brieffs dem wolbeschaiden man Johansen dem Landen burger ze sant Gallen vnd Guten siner elichen tohter inen baiden gemainlich vnd vnuerschaidenlich vnd allen den kinden, so hienach elich von inen geborn werdent, die der vorgenamten schuppus vnd des lehens erbgenossen sint. Vnd ze vrkund der warhait vnd gantzer sicherhait dirre vorgeschriben dinge vnd vergicht so han ich Rudolff von Rôsenberg da vorgenant min aigen insigel von dirre lehenschaft wegen fur mich vnd min erben an disen brieff gehenket. Der geben ward vff miner vesti Ramswag³ an sant Pelaijen abent in dem jar, do man zalt von Cristus geburt vierzehenhundert jar, darnach in dem sechsten jare.