Ich^a Johans von Eyl burger Zurich tun kunt allermenglichem mit disem||
brief, daz mich die frommen wisen der burgermeister vnd der rat der statt ze||
sand Gallen von gemeiner statt wegen gericht vnd bezalt hand sechtzig||
vnd vier guldin, die sy mir schuldig gewesen sind von mines dienstes wegen, so ich inen gen Mentz¹ getan hab, vnd ouch einsteils bar gelihen hatte. Derselben schuld sag ich sy vnd alle ire nachkomen fur mich min erben vnd nachkomen gentzlich quit lidig vnd los vnd quitiere sy darumb mit dem brief besigelt mit minem insigel ze end dirre geschrift. Geben Zurich uf fritag vor vnser frowen tag ze liechtmesse anno etc. CCCCmo septimo.