Ich^a Beringer Schulmaister Hugen Schulmaisters salgen wilunt elicher sun burger ze sant Gallen tun kund vnd vergich allermengLlichem mit disem brief fur mich vnd min erben von des ainen malter korngeltz wegen sant Galler messes, so ich hatt vnd geLhebt hân ab vnd vsser dem gut, das man nemet die Hub¹, gelegen ze Niderdorff², das wilunt Iohansen Wetzels was vnd||
aber ietzo ist Rudolffs vnd Hainrichs der Vorster gebruder ôch burger ze sant Gallen vnd ainhalb stôsset an den Bul³ vnd andrunthalb an das gut, das man nemet der Hof⁴, sol menglichem ze wissent sin, das ich mit guter vorbetrahtunge vnd mit wolbedahtem mute von miner redlichen not wegen das vorgeschriben ain malter kornes iarlichs geltz vnd ewigs zins ab vnd vsser dem obgeschriben gut genamt die Hub aines ewigen staten kôffes redlich vnd reht verkôffet vnd ze kôffent geben hân den vorgenanten Rudolffen vnd Hainrichen den Vorstern inen baiden gemainlich vnd vnuerschaidenlich vnd iren erben, ob sy enwarint, vmb aht pfunt pfenning Costentzer muns, dero ich von inen gantzlich vnd^b gewert vnd bezalt bin vnd die an minen offenn nutz komen sint vnd bewendet. Das selbe ain malter korn geltes han ich inen geuertgot vnd zu iren handen brâht, als reht sitt vnd gewonlich ist vnd als es kraft vnd maht sol vnd mag hân ietz vnd hienach. Ich han mich ôch verzigen vnd verzih mich mit vrkund dis briefs fur mich vnd min erben frilich vnd wilklich des vorgenanten korngeltz mit aller zugehorde aller aigenschaft^c aller kuntschaft aller gewer vnd zugnust lut vnd brief alles rehten gaistlichs vnd weltlichs gerihtes aller vordrung vnd ansprachen aller reht vnd rehtung, so ich ald min erben an dem zu dem vnd von des vorgeschriben korngeltz wegen vntz her uff disen huttigen tag, als dirre brief ist geben, ie gehebt habin ald noch hinnenhin iemer gehaben oder gewinnen mohtin, vnd das ich noch min erben noch nieman von vnser wegen noch an vnser statt die vorgenanten Rudolffen vnd Hainrichen die Vorster noch ir erben gemainlich noch sunderlich darvmb nit furbas sollen noch wellen ansprechen vftriben bekumberren bekrenken noch in dehain wise beswarren weder mit gaistlichem noch weltlichem geriht noch ân reht noch mit dehainen andren sachen ân geuerde. Ich han ôch gelôpt vnd loben mit disem brief fur mich vnd min erben, des vorgenanten korngeltz mit aller zugehord vnd dez kôffs reht weren ze sine nach landes reht vnd sy darvmb ze versprechent vnd ze verstand ân iren schaden, als dik sy darvmb angesprochen vnd vfgetriben werdent mit dem rehten, ân geuerde. Vrkund dis briefs. Geben versigelt fur mich vnd min erben mit minem aignen anhangenden insigel an sant Agthen abent nach Cristus geburt vierzehenhundert, darnach in dem siben jare.