Wir Cun von gotz gnaden abt des gotzhus ze sant Gallen¹, daz an alles mittel zu gehort dem stul ze Rom, tund kund vnd veriehent offenlich mit disem||
brief menglichem, daz fur vns kam der vest Hans von Schonow² Hansen von Schonows saligen elicher sun vnd offnat vor vns, wie daz er vnd sin bruLder Ital Schonow salig hettent dem beschaidnen Bentzen vnd Cunrat den Sibern gebruder burger ze Lindow³ vnd allen iren erben ze koffen gegeben ains ewiLgen koffes dis nachgeschriben jarlich zins vnd gelt vsser disen nachgeschribnen guten, item vsser dem kelnhof ze Hohenwiller⁴ sehs scheffer^a haber ain pfund Costentzer pfenning ain swin oder aber siben schilling vnd vier Costentzer pfenning da fur, item vsser dem maygerhof ain malter haber ain pfund Costentzer pfenning vnd zwai hunr ze weglosi, item vnd ab des Gigers gut hinder dem selben maygerhof sehszehen schilling Costentzer pfenning vnd was zu dem jarlichen gelt gehort, als der koffbrief, den sy inen darvmb versigelt geben hettint, alles wol wisti vnd saiti, vnd won daz vorgeschriben jarlich zins vnd gelt von vnserm vorgeschribnen gotzhus vnd vns lehen ist, do batt vns der selb Hans von Schonow gar flissig, daz wir daz alles vnd was darzu gehorti von im vff nament an vnser hand vnd es lihint den obgenanten Bentzen vnd Cunrat den Sibern vnd allen iren erben nach des obgedahten koffbriefs lut vnd sag, den sy darvmb hettint. Darvmb erhortand wir do sin bett vnd lihent inen vnd allen iren erben das obgenant jarlich zins vnd gelt mit allen nutzen vnd zugehorden ze rehtem lehen, als vmb samlich lehen gewonlich vnd reht ist ze lihenn, och also, dz die erben dz vorgenant jarlich zins vnd gelt ab den vorgenanten gutern ie nach tod von vns oder vnsern nachkomen enpfahen sont innrent jares frist, als dikk es ze schulden kumpt, oder aber das vnserm gotzhus sinu reht behalten sigint. Vnd des ze offnem vnd warem vrkund habent wir vnser abtye insigel offenlich gehenkt an disen brief. Der geben ist ze Wil⁵ in vnsers gotzhus statt an sant Vallentins tag nach Cristi geburt vierzehenhundert jar vnd dar nach in dem sibenden jar.