Wir^a grauf Rudolf von Werdenberg¹ tun kunt menglichem vnd veriehen||
offenlich mit dem brief, daz wir fur vns vnd vnser erben in eins rechten staten||
werenden phandes wise ingeben vnd versetzet haben vnd setzen wissentlich mit||
dem brief dem edeln vnserm lieben vettern grauf Fridrichen von Toggenburg² vnsern getruwen Algoss vnsern eigen mann gesessen ze Ewis³ mit allem rechten vnd zugehorden, als er vns von eigenschaft wegen sins libs bisher zugehoret hat, ze habend ze nutzen vnd ze niessend in aller wis vnd masz, als ein jeglich herre sin eigen lut nutzen vnd niessen sol vnd als wir in vormals innegehept vnd genossen haben, darumb wir ouch von dem egenanten vnserm vettern grauf Fridrichen emphangen haben sibentzig vnd vier phunt phenning Curer werung, vmb ein solich summ geltz der egenant vnser vetter von Toggenburg oder sin erben vns vnd vnsern erben von des obgenanten vnsers eigen mannes wegen einer widerlosung gehorsam vnd gebunden sin sollent, wenn wir der von in begerent. Mit vrchund ditz briefs, der von vnsers empfelhens wegen mit vnserm hangenden insigel besigelt vnd geben ist ze Sanngans⁴ an dem heiligen phingstabent nach Crists geburt in dem vierzehenhundertisten vnd sibenden jar.