Officialis^a curie Const(antiensi^s omnibus presentium inspectoribus subscriptorum notitiam cum salute. Comparuit coram||
nobis die date presentium Margar(et^a dicta Schallerin mater carnalis et legitima Anne dicte Schallerin||
ac proposuit dixit et allegavit coram nobis, quod discretus dictus Gut Vli de Wingarten¹ cum prefata Anna||
ad matrimonium convolare proponeret, dum tamen aliquatenus certificari posset, quod ipsa Anna alteri dominio quam mon(asteri^o sancti Galli iure servitutis non pertineret. Petivitque dicta Margar(et^a, quatenus ipsam ac etiam testes subscriptos super iure servitutis dicte Anne examinaremus. Nos petitioni ipsius Margar(et^e tamquam rationabili annuentes, ab eadem Margar(et^a et subscriptis testibus fidem recepimus loco prestiti iuramenti, quod nec gratia odio timore amore vel favore in et super premissis veritatem dicant et deponant. Quibus sic actis nos eandem Margar(eta^m et subscriptos testes diligenter examinavimus, ut sequitur: Margar(et^a Schallerin prefata deponit per fidem ut supra et dicit, quod ipsa et quondam sua mater et eius progenitor a matre iure servitutis simplici pertinerunt monasterio sancti Galli et nulli alteri monasterio seu dominio, licet modo propter privilegia civitatis Const(antiensi^s, in qua civilegium habet et diu habuit, speret se a servitute dicti monasterii sancti Galli liberam et solutam. Item Verena Yglin consanguinea Anne Schallerin, que matrimonium contrahere proponit cum dicto Gut Vli in tertio consaguinitatis gradu, deponit per fidem suam ut supra, quod dicta Anna Schallerin nulli alteri monasterio vel dominio pertineat quam monasterio sancti Galli. Causam scientie reddit, nam dicit, quod ipse sit de genolyia^b dicte Anne ex parte matris et ipsa iure servitutis similiter pertineat monasterio sancti Galli, si civilegium civitatis Const(antiensi^s et privilegium ipsius civitatis eam a dicta servitute non liberaret. Item Vlricus et Hainr. dicti Elser cerdones et cives Const(antiense^s consanguinei Anne in tertio consanguinitatis gradu deponunt per fides suas ut premittitur, quod ipsa Anna Schallerin nulli alteri dominio vel monasterio pertineat nisi monasterio sancti Galli. Causam scientie reddunt similiter et precise sicut supra Verena Yglin. Et in premissorum evidens testimonium sigillum curie Const(antiensi^s presentibus est appensum. Datum Const(anti^e anno domini millesimo quadringentesimo septimo, X kln. iunii, indictione XVa.