Vnser fruntlich willig dienst sie allzite vor. Besundern lieben frunde,||
als ir vns verschriben vnd gebetten hand von der samnungen vnd zurittens||
wegen, so ietz in den landen ist, uch in guter gehaimde, so verre wir wissen||
vnd vns anmutig sye, verschriben laußen ze wissenn by vwerm botten alle loffe vnd mere vnd war daz volke mute habe vnd wa su zesamen stossen sullent etc., daz vnd anders an vwerm brief haben wir wol verstanden vnd lassen vwer gut fruntschaft wissen, daz wir nit anders wissen von der samnungen vnd zurittens wegen, denne daz gross volke von rittern von knehten von wegen vnsers herren des kungs, dez margraufen von Wirttemberg¹, der burggrafen von Nurnberg² etc. vf hinaht ze samment stosse ze Pfullendorff³, vnd die maynnen ze entschuttenn grauf Wilhelmen von Bregentz⁴ von den Appenzellernn⁵ vnd die von Emsse⁶ vor der Alten Clingen⁷. Lieben frunde, so denne in dem stuckly ir vns schribend, ob vns furkome, daz sich ain volke in daz Brißgow⁸ keren wolt, daz wir uch daz nun oder hienauch wissen liessind, da wissend, daz vns vnser gutten frunde ze wissend getan hand, daz sich ain michel mehtig volk vnd harsch samne vmb Schowenburg⁹ vnd daselbs in der gegni vnd die daz Kintzgental¹⁰ heruff ziehen sullind, vnd daz wir vns nit daran bedurffen keren, als man ietzo vf die Appazeller zuht, denn daz wir vns furo besorgen, daz wir aber dehain aigenschaft davon wissnt, wissen wir nit. Lieben frunde, da wissind uch nauch ze rihtenn vnd uwer kuntsch(af^t daruf ze habenn, won waz wir in den vnd allen andernn sachen wistin uch ze liebe ze fruntschaft vnd ze dienst ze tunde, daz wir darinn allzit willig warin. Datum an mitwochen vor Galli anno etc. CCCC septimo. Burgermaister vnd raute ze Vilingen?11.