Den fursichtigen wisen vnsern guten frunden vnd lieben eidtgnossen dem amman vnd dien landtluten ze Switz¹, als si jetz vff dem veld sind, embietend wir burgermeister vnd der rat der statt Zurich vnser willig dienst vnd was wir eren vnd gutz vermugend. Als ir vns jetz gemannt hand, sond ir wussen, das vns vff hut fruy gewusse kuntschafft komen ist, die vnder dien herren gewesen ist, die hat vns geseit furwar, das die selben herren wider vbern Rhin² in das Hegow³ gezogen sigind vnd das si mut habind von dem land ze ziechen, doch so meinind si etwa vil volcks hinder inen in dien schlossen an dem Rhin ze lassen, das selbe volck mit den Appezellern⁴ taglichen krieg furen sollind. Darzu sond ir wussen, das die vorgenanten herren in das land hie dishalb Rhins gezogen vnd wider darus gescheiden sind, das si vns die von Winterthur⁵ vnsre burger vnd ouch andre vnsre burger vnd die zu vns gehorend, nicht angriffen noch geschadiget hand. Ouch ist vns geseit, das die vorgenanten herren redind, das si mit vns noch mit vnsern eidtgnossen nichtz ze schaffen meinind ze haben, vnd das ir meinung nichtz anders sigi, wenn das si die von Appentzell vnd die iren wellind schadigen vnd angrijffen. Vnd nach der kuntschafft vnd dien stucken, als vor bescheiden ist, dunckt vns nicht, das der zog, den wir vch nunzemal nachtun soltind, notdurfftig sig. So meinend ouch wir, dis sachen vnd vwre manung an vnser eidtgnossen ze bringen vnd mit dien zerat werden, was inen vnd vns in dien sachen ze tun sig, das wir darinne dien geswornen puntbriefen gnug tugind. Geben am sonnentag ze imbis zit vor Simonis et Judæ anno Mo.CCCCo. VIIo.