Ich^a graf Herman von Sultz¹ lantvogt miner gnadigen herrschafft von Osterrich etc. tun kunt, das fur mich kam||
Heinrich Russinger burger ze Rapreschwil² vnd batt im ze lihen den zechenden ze Gerlisperg³ mit||
siner zugehord, der von erbs wegen an in geuallen vnd von der obgenanten miner herrschafft lehen||
were. Vnd nach siner bett han ich an statt vnd in namen derselben miner herrschafft im den selben zehenden gelihen vnd lich wisentlich, was ich im von rechtz wegen daran lihen sol vnd mag, der obgenanten miner herrschafft von Osterrich ir rechten an der lehenschafft vnschadlich mit krafft dis briefs besigelt mit minem anhangenden insigel. Geben ze Rapreschwil an des helgen krutz tag ze meygen nach Crists geburt vierzehen hundert jar, darnach in dem achtenden jare.