Wir^a Ruprecht von gots gnaden Romischer kunig zu allen ziten merer des richs bekennen vnd tun kunt offinbar mit disem||
briefe allen den, die in sehent oder horent lesen, als in dem vszspruche, den wir nechste zu Costentze zuschen vnsern lieben geLtruwen der gemeynen ritterschafft zu Swaben³ an einem vnd den Appentzeller⁴ den von sant Gallen vnd andern, die uff die zijt||
zu yn verbunden waren, off die andern sijten einen vszspruche getan han von solicher richtunge wegen, die wir off die zijt zuschen yn machten, begriffen ist, das die vorgenanten Appentzeller die von sant Gallen vnd die andern, die off die zijt zu yn verbunden waren, furbasz keinerley buntnisze machen oder angen sollen ane vnser wiszen willen vnd sunderliche erlaubunge. Des haben wir vnsern lieben getruwen burgermeistern rate vnd burgern gemeynlichen vnser vnd des heiligen richs stat zu sant Gallen gegonnet vnd erleubet gonnen vnd erlauben yn auch in crafft diesz briefs, das sie sich zu vnsern vnd des heiligen richs stedten vmb den Bodemsehe⁵ gelegen mit namen Costentze Vberlingen⁶, Rafenspurg⁷, Lyndaw⁸, Buchorn⁹ vnd Wangen¹⁰ verbinden vnd sich mit denselben vor vnrechtem gewalt behelfen mogen, doch vns vnsern nachkomen Romischen keyszern vnd kunigen vnd dem heiligen riche allezijt vnschedlichen an vnsern vnd des heiligen richs gehorsame diensten rechten vellen vnd gulten. Orkunde diesz briefs versigelt mit vnser koniglichen maiestad anhangendem ingesigel. Geben zu Heydelberg¹¹ in dem jare, als man schreib nach Cristi geburte viertzehenhundert vnd acht jare, off den mandag nach dem sondage, als man singet in der heiligen kirchen Cantate, vnsers riches in dem achten jare.