Alberhtus^a dei et apostolice sedis gratia electus ecclesie Constan(tiensi^s omnibus presentium inspectoribus subscriptorum notitiam cum salute.||
Sane quidem litteris generosi viri comitis Fridrici de Toggenburg eius pendenti sigillo sigillatis per sindicos et procuratores religiosorum viorum||
abbatis et conventus monasterii sancti Johannis im Turtal ordinis sancti Benedicti nostre dyocesis nobis exhibitis ac presentatis, in quibus et||
earundem serie continebatur, quomodo et qualiter ecclesia parrochialis in Magelsperg nostre Constan(tiensi^s dyocesis cum decimis iuribus obventionibus universis ab ipso eiusque predecessoribus fuerit detenta ac occupata, circumscriptis prediis dotalibus ipsius ecclesie semper tamen per ipsum monasterium in signum dominii ac proprietatis eiusdem ecclesie possessis. Nunc vero primo de iam dictis facti detentionibus plenius ipse comes Fridricus informatus ob laudem omnipotentis dei glorioseque virginis Marie ac ob salutem ipsius et suorum progenitorum animarum ac in restaurationem divini cultus iamdicti monasterii, quod facultatibus depressum existit, nos humiliter exhortabatur, quatenus ipsam ecclesiam causis et rationibus predictis ipsi monasterio, ad quod etiam alias iure incorporationis spectabat, incorporari dignaremur, omnique iuri suo in ea ac iuribus et pertinentiis eiusdem in nostras manus libere ob causas iamdictas renuntiando. Nos enim iustis postulationibus grato ac benivolo concurrentes assensu ex antiquis litteris apostolicis aliisque pluribus indiciis vehementibus presumptionibus conperimus, ipsam ecclesiam ipsi monasterio fuisse ac esse incorporatam, prout etiam ipse comes Fridricus in suis litteris nobis presentatis fatebatur. Reperimusque ipsam ecclesiam cum iuribus et pertinentiis ipsius potentia laycali a iamdicto monasterio ablatam et potenter detentam ipsamque ecclesiam in Magelsperg incorporatam esse ac fuisse ex nobili pastorali officio tenore presentium declaramus ac ipsam auctoritate ordinaria ad omnem cautelam ob defectum facultatum ipsius monasterii, ex quibus congrue sustentari non possunt, et in restaurationem divini cultus ac in honorem et laudem omnipotentis dei eiusque gloriose genitricis Marie ipsamque ecclesiam cum omnibus proventibus fructibus obventionibus quibuscumque iuribus et pertinentiis auctoritate nostra ordinaria tenore presentium incorporavimus univimus incorporamus unimus annectimus. Et per notarium publicum presentibus testibus ad hoc vocatis infrascriptis iussimus precepimus de omnibus iamdictis fieri publicum instrumentum sigillumque nostrum presentibus apponi mandavimus in signum ac evidens testimonium omnium premissorum. Datum Constan(ti^e anno domini millesimo quadringentesimo octavo, pontificatus domini nostri domini Gregorii pape duodecimi anno suo secundo, mensis maii, die ultima, in aula nostra pontificali, hora vesperarum vel quasi, indicione prima. (ST) Et ego Johannes Bussnang clericus Const(antiensi^s diocesis publicus imperiali auctoritate notarius una cum honorabili viro domino Rudolpho Spitzli decretorum doctore canonico ecclesie Constan(tiensi^s ac discreto viro Hainr. am Hoff testibus ad hoc vocatis et rogatis anno pontificatus mense die hora loco indictione quibus supra iam dictis litteris apostolicis ac litteris ipsius generosi domini Friderici comitis productioni renunciationi ac petitioni ac omnibus aliis et singulis, dum sic fierent ac coram predicto domino electo agerentur, una cum testibus predictis interfui eaque sic fieri vidi et audivi. Ideoque hoc presens publicum instrumentum me aliis arduis negotiis prepedito per alium scribi feci meque manu mea propria subscripsi et in hanc publicam formam redegi signoque et nomine meis solitis signavi in evidens testimonium omnium et singulorum premissorum.