Honorabili domino .. officiali curie Constanciensis abbas hospitalis apud sanctum Gallum¹ et conventuales eiusdem quidquid possunt||
reverencie et honoris. Noverit vestra reverencia, quod nos in causa seu causis, quam vel quas nobis movent seu movere inLtendunt H. dictus Schulmaister de sancto Gallo et Vlricus frater suus, Volkardum dictum Tailer^a et EgLlolfum Camerarium conversos nostri conventus nostros veros et legitimos coram vobis insolidum constituimus procuratores, ita quod non sit melior condicio occupantis, sed quod per unum ipsorum ceptum fuerit, per alterum ipsorum mediari valeat et finiri, dantes eisdem nostris procuratoribus plenam et liberam potestatem nomine nostro agendi defendendi excipiendi replicandi litem contestandi iuramentum calumpnie vitande et veritatis dicende seu cuiuslibet alterius generis sacramentum in animas nostras prestandi ponendi posicionibus respondendi testes et instrumenta producendi crimina et defectus opponendi sentencias interlocutorias et diffinitivas audiendi ab eisdem et a quolibet alio gravamine appellandi apostolos petendi appellationem prosequendi expensas quascumque petendi obtinendi et recipiendi alium vel alios procuratores substituendi et eundem vel eosdem, quando vel quociens ipsis vel alteri ipsorum visum fuerit expedire, revocandi, necnon generaliter omnia et singula faciendi, que veris et legitimis procuratoribus a lege vel can(on^e sunt concessa, ratum et gratum habituri, quidquid per dictos nostros procuratores eorum substitutum vel substitutos nomine nostro actum seu gestum fuerit in premissis, et ut dicti nostri procuratores eorum substitutus vel substituti a satisdacionis onere quolibet releventur, promittimus pro ipsis iudicio sisti iudicatum solvi sub rerum nostrarum omnium ypothecam. In cuius rei testimonium sigillum discreti viri Hugonis plebani ecclesie sancti Laurencii² nostri plebani duximus presentibus appendendum. Ego vero Hugo predictus ad peticionem predictorum .. abbatis et conventualium hospitalis sancti Galli subditorum meorum sigillum meum proprium duxi presentibus appendendum. Datum Constancie VIIo. kl. octob. ind. secunda.