Wir^a Cun von gotz gnaden abt des gotzhus ze sant Gallen¹, das an alles mittel zu gehort dem stul ze Rom, veriehent vnd tund kund mangLklichem mit disem brief, das fur vns kament ze sant Gallen vff vnserm hus die beschaiden Cunrat Musler vnser hofamman ze sant Gallen²||
vnd Johans Land baid burger ze sant Gallen, vnd offnat der selb Cunrat Musler offenlich vor vns, als Anna Bomgarterin Vlrich Edelmans||
saligen, der bi Herman von der Braiten Landenberg³ ze Hagenwil⁴ wari gewesen, elich wirtinne, Walti vnd Els ir elichu kind fur sich vnd ir erben dem beschaidenn vorgenanten Johansen Landen, Guten siner elichen tohter vnd iren erben ains staten ewigen koffes ze koffes ze koffenn^b geben hettin ain pfund pfenning guter vnd genamer Costentzer muns jarlichs vnd ewigs geltz ab vnd vsser ainr schuppass gelegen ze Râtzenwil⁵, die man nempt des von Rosenberg⁶ schuppass, die ze allen siten stoss an des spitals ze sant Gallen⁷ guter, vnd ab allem dem, so darzu vnd darin gehort, vnd nah dez koffbriefs lut vnd sag, so der selb Hans Land darvmb von inen besigelten inne hat, die selb vorgenant schuppas der selben vorgenanten Annen vnd ir elichen kind lehen wari von vnserm vorgenanten gotzhus ze sant Gallen vnd vns. Da hetti die selb Anna vnd die egenanten ir elichi kind vns hie ze sant Gallen vor offnem geriht bi im mit vrtail vnd reht vff gesendt an vnser hand ledklich vnd ffrilich das vorgenant pfund pfenning guter vnd genamer Costentzer muns jarlichs vnd ewigs geltz ab vnd vsser der vorgenanter schuppass gelegen ze Râtzenwil, die man nemmet des von Rosenbergs schuppass, vnd ab allem, so darzu vnd darin gehort, vnd das er vns vor iro wegen vnd an iro statt ernstlich bitten solt, dz selb pfund pfenning guter vnd genamer Costentzer muns jarlichs vnd ewigs geltz ab vnd vsser der vorgenanter schuppass vnd dem, so darzu vnd darin gehort, ze lihenn dem vorgenanten Johansen Landen vnd Guten siner elichen tohter baiden gemainlich vnd vnuerschaidenlich ze lehen vnd nach des koff briefs lut vnd sag, den die vorgenanten Anna, Walti vnd Els ir elichu kind dem ietz genempten Johansen Landen vnd sinen erben darvmb versigelten geben hand, vnd also gab vns do der obgenant Cvnrat Musler in namen vnd an statt der egenanten Annen, Waltis vnd Elsen ir elichen kind vnd von iro wegen das vorgenant ain pfund pfenning guter vnd genamer Costentzer muns ab vnd vsser der vorgenanten schuppass mit ir zu gehorden jarlichs vnd ewigs geltz ledklich vnd ffrilich vff an vnser hand vnd batt vns ernstlich, dz selb vorgenant pfenning geltz jarlichs vnd ewigs ab vnd vsser der vorgenanten schuppassen genant des von Rosenberg schuppass gelegen ze Râtzenwil mit ir zu gehorden dem vorgenampten Johansen Landen vnd Guten siner elichen tohter ze lihenn ze lehen. Darvmb erhortant wir do sin ernstlich bett vnd lihent do ze stund vnd lihent och wissentlich mit disem brief dem ietz genempten Johansen Landen vnd Guten siner tohter baiden gemainlich vnd vnuerschaidenlich das vorgenant pfund pfenning guter Costentzer muns ab vnd vsser der vorgenanten schuppassen mit ir zu gehorden ze lehen, was wir inen daran durch reht lihen sont, vns vnd vnserm vorgenanten gotzhus an allen vnsern rehten vnd gewonhaiten gantzlich vnschadlich vnd vnuergriffenlich vnd also nach des koff briefs lut vnd sag, den der selb Hans Land vnd sin erben darvmb von inen versigelt inne hand. Vnd des ze offnem vnd warem vrkund habent wir abt Cun vnser abtye insigel offenlich gehenkt an disen brief. Darnach vergich ich Cunrat der Musler hofamman ze sant Gallen, das alles daz war ist, so der erwirdig min gnadiger herre abt Cun des gotzhus ze sant Gallen von mir an disem brief veriehen vnd verschriben hat, vnd ze noch merer sicherhait der selben vorgenanten sach vnd vergiht han ich och min aigen insigel offenlich gehenkt an disen brief, mir vnd minen erben vnschadlich. Geben ze sant Gallen in dem jar, do man zalt von Cristi geburt vierzehenhundert jar, darnach in dem nunden jare.