Wir^a Fridreich von gots gnaden hertzog ze Osterreich¹ ze Steyr ze Kernden vnd ze Krain graf||
ze Tyrol etc. tun kunt, als der edel vnser lieber getrewer graf Herman von Sultz vnser lantLuogt² vnserm getrewn Rudin dem Streler vnserm burger ze Raperswil³ vnd seinen erben, ob er nicht||
enwere, funf vnd zwaintzig mut kern ierleichen auf vnserr mul gelegen ze Raperswil in der stat fur zway hundert guldein versetzt hat, die er von des Gessler⁴ wegen hat verlaistet nach des briefs sag, den er darum hat von demselben vnserm lantuogt. Also haben wir dem obgenanten Streler denselben satz nach vnsers vorgenanten lantuogts briefs laut vnd sag bestettet wissentleich mit dem brief, daz es dabey sol beleiben. Mit vrkunt ditz briefs. Geben ze Insprukg⁵ an samstag nach sand Erharts tag nach Krists gepurde virtzehenhundert jar, darnach in dem çehenden jare.