Wir Cun von gotz gnaden abt vnd der convent gemainlich des gotzhus ze sant Gallen¹ sant Benedicten ordens in C...a)||
bistum gelegen, das ân alles mittel zu gehord dem stul ze Rom, tund kund vnd veriehent offenlich mit disem brief manglichem ...a)||
von vnsers haissens wegen vnser lieber Hainrich Borhuser hofamman vnd burger ze Wil² dem ffromen vesten ritter herr Hermann||
von Landenberg von Griffensê3 an den vssgestandnen zins, den vnser gotzhus jarlichen dem edeln^b ffryen Johansen von Tengen⁴ vnd sinen erben, so der enist, geben sont, das ist vssgestanden von dem vierzehenhundertistigesten vnd nunden jar geben hat an werung zwaintzig vnd funf pfund pfenning guter Costentzer muns, darvmb er Margareten siner elichen tohter Verenen Helfenberginen saligen elichen tohter verkofft hat ir gelegen gut, dz si von ir muter saligen ererbt hat, vnd vmb vnd och fur die selben pfenning so habent wir mit ainhelligem rat vnsers cappittels fur vns vnd vnser nachkomen der egenanten Margareten Hainrich Borhusers elichen tohter aines redlichen staten koffes ze koffenn geben vnsers gotzhus aignen wisen vff Wilmatt⁵ gelegen genant die Lassrin vssgenomen den zehenden mit andren zu gehorden vff ainen widerkoff, also vnd mit dem geding, war dz die selb vorgenant Margaret in die samnung ze Wil⁶ oder in ain closter getan wurd zu gaistlichen orden oder zu der welt elich mann geben wurd, dz ir denn die vorgenant wis nach volgen solt. Gieng aber die selb Margaret ab von todes wegen e vnd dauon aintweders beschach, so solt die wis dannenhin geuallen an den egenanten Hainrichen Borhuser ir elichen vatter oder an sin elich liberben, ob er enwar, an manglich sûmen vnd jerren och vff ain widerkoff denn nit anders noch furo, vnd also sol vnd mag die egenant Margaret die vorgenant wisen nû hinnenhin haben vnd niessen besetzzen vnd entsetzzen, vssgenomen den zehenden, vnd dz wir si daran nit sûmen noch ierren in dehain wîs noch weg, vnd satzent si der wisen also mit disem brief in reht liblich vnd nûtzlich gewer mit disem brief, vnd darvmb so verziehen wir vns vnd entwerren vns mit disem brief fur vns vnd vnser nachkomen aller reht vordrung vnd ansprach, die wir ald vnser nachkomen zu der vorgenanten wis habent ald gehan mohten vntz an dem widerkoff von aigenschafft von lehenschafft ald in ander weg zu der vorgenanten Margareten handen ald zu der handen, so es furbass komen sol, alles gaistlichen vnd weltlichen rehten vnd gerihtz, da mit wir sy an der vorgenanten wisen gehinderren mohten oder bekumberren. Wir lobant och mit disem brief fur vns vnd vnser nachkomen, der vorgenanten wisen der vorgenanten Margareten vnd als vorgenant stat fur aller mangklichs ansprechen gaistlicher vnd weltlicher lut vnd gerihtz reht wern ze sin nach aigens vnd des landes reht sitten vnd gewonhait vnd sy darvmb ze versprechenn mit dem rehten an ir schaden, wenn vnd als dikk in die vorgenant wis mit reht angesprochen wirt, an alle geuerd. Vrkund der warhait habent wir obgenanter abt Cun vnd wir der convent vnser vnd vnsers cappittels insigel fur vns vnd vnser nachkomen offenlich gehenkt an disen brief, der geben ist am donstag nahst nach sant Vallentinns tag nach Cristi geburt vierzehenhundert jar, darnach in dem zehenden jare.