Alberthus dei gracia episcopus Constanciensis¹ iudex et conservator iurium et privilegiorum venerabilium et religiosorum in Christo ministri generalis et fratrum ordinis fratrum Minorum in Alamania superiori a sanctissimo in Christo patre et domino felicis recordacionis domino Johanne papa XXII et per litteras eiusdem apostolicas eius vera bulla plumbea in filis canapis more Romane curie bullatas sanas integras et illesas omnique prorsus vitio et suspicione carentes nobis ex parte eorundem ministri et fratrum pro earum execucione humiliter presentatas et per nos ut decuit reverenter receptas, quarum finis est talis: Datum Auinione VI kln. maii pontificatus nostri anno tercio, unâ cum ceteris nostris in hac parte collegis cum illa clausula, quatinus vos vel duo aut unus vestrum per vos vel alium seu alios etc. specialiter deputatus seu delegatus. Venerabili in Christo sincere nobis dilecto domino Conrado de Munchwille² dicte nostre Constanciensis canonico et collegiate sancti Pelagii in Episcopaliscella³ nostre Constanciensis diocesis preposito ecclesiarum salutem in domino et mandatis ac commissioni nostris ymmo verius apostolicis in hac parte firmiter obedire cum diligencia debita in commissis. Quia gravibus ecclesie nostre Constanciensis et cleri eiusdem pastorali iure nobis subiecti in negociis adeo prepedimur ad presens certum augimur et motu distrahimur diuturno, quod execucioni litterarum predictarum, prout ministri et fratrum ac ordinis predictorum expediret necessitati et quemadmodum ipsorum pro parte interpellacionibus pulsamur cottidianis personaliter, ut desiderii nostri foret et esset voluntatis vaccar . nec ipsarum virtute in sibi incumbentibus causis et negotiis procedere non valemus quovismodo, et propter de tuis industria circumspectione et legalitate plurimum confisi tibi in hac parte videlicet quoad omnia et singula nobis predictas litteras apostolicas, quas una cum presentibus tibi volumus exhiberi iniuncta mandata et commissa plenarie committimus et apostolica nobis in hac parte commissa auctoritate subdelegamus vices nostras, donec eas ad nos duxerimus revocandas, districtius tibi precipiendo mandantes, quatinus te de hiis intromittas et in eis prout iustum et iuxta formam dictarum litterarum apostolicarum et alias fuerit de iure procedendum procedas omnimodo. Datum Constancie nostro sub sigillo presentibus subappenso anno domini millesimo quadringentesimo decimo kln. iulii indictione tercia. R.