Wir^a Fridreich von gots gnaden hertzog ze Osterreich¹ ze Steyr ze Kernden vnd ze Krain||
graf ze Tyrol etc. tun kunt vmb die vesten Grimmenstain², die der von Enne lehen||
von vns ist vnd aber die dem edeln vnserm lieben getrewen Wilhalmen von Enne³ dem jungsten||
ze tail ist worden, also haben wir demselben von Enne die egenant vesten mit allen eren rechten nutzen zwingen pennen vnd allen zugehoren verlihen vnd leihen auch wissentlich, swas wir im ze recht daran leihen sullen oder mugen, also daz er vnd sein erben die nu hinfur in lehensweis besitzen innhaben nutzen vnd niessen vnd vns dieselben vesten offen haben zu allen notdurften wider allermeinklich vnd auch vns sust dauon dienen vnd gewarten, als man vns von solchen lehen pflichtig vnd gepunden ist, getrewlich vnd an geuerd. Mit vrkund ditz briefs. Geben ze Insprugg⁴ an mitich vor vnserr frawen tag nativitatis nach Christs gepurd in dem viertzehenhundertisten vnd dem zehenden jare.