Petrus miseratione divina episcopus Tusculan(u^s1 discreto viro .. plebano parochialis ecclesie in Abbatiscella² Constantiensis diocesis salutem in domino. Decens et debitum arbitramur, ut in hiis, que animarum salutem respiciunt, simus favorabiles et benigni. Hac igitur consideratione inducti et per hoc tuam volentes honorare personam, de cuius discretione et industria plenam in domino fiduciam obtinemus, absolvendi omnes parochianos tuos, qui olim suadente humani generis inimico, facta per aliquas communitates de partibus illis quadam liga contra nonnullos nobiles et aliquas alias personas pluribus et [diver]sis laicalibus homicidiis spoliis et rapinis ac incendiis extra tamen loca sacra perpetratis et commissis interfuerunt, ad hoc dando auxilium consilium et favorem et aliqua manu propria perpetrando, a reatibus huiusmodi laicalium homicidiorum spoliorum incendiorum et rapinarum et aliis peccatis suis, que tibi confitebuntur, nisi talia sint, propter que merito sit sedes apostolica consulenda, ac iniungendi eorum cuilibet super ipsis pro modo culpe penitentiam salutarem. Quodque, si quibus per predicta spolia incendia et rapinas ad satisfactionem tenentur, satisfaciant competenter, necnon restituendi eorum cuilibet introitum ecclesie vice nostra discretioni tue auctoritate domini pape, cuius penitentiarie una cum reverendo in Christo patre domino Antonio eadem miseratione episcopo Portuen(sⁱ3 curam gerimus, et ipsius domini pape speciali mandato super hoc vive vocis oraculo nobis facto, hac vice tenore presentium concedimus facultatem, presentibus, postquam eas receperis, post annum minime valituris. Datum Bononie⁴ III. idus octobr. pontificatus domini Iohannis pape XXIII. anno primo.