Alberthus^a dei gracia electus confirmatus Constanciensis¹ universis et singulis tam presentibus quam futuris presencium inspectoribus et auditoribus||
earundem subscriptorum noticiam cum salute in domino sempiterna. Noveritis noverintque omnes et singuli, quos nosce fuerit opportunum quorumque interest vel||
intererit aut interesse poterit quomodolibet nunc vel in futurum, quod nos receptis et perlectis ac ad plenum intellectis litteris wulgaribus, quibus presentes nostre littere sunt||
et apparent transfixe, quia nedum ex dictarum litterarum tenore verum et fidedigna proborum relacione lacius sumus informati, vendicionem agrorum et ecclesie parrochialis Elgow² ac iuris patronatus eiusdem aliorumque bonorum in dictis wulgaribus litteris distinctim et specifice expressorum inter strenuum Johannem de Bonstetten³ militem et providos scultetum ac consules oppidi Rapreswile⁴ nomine et occasione hospitalis pauperum eiusdem oppidi nuper attemptatam rite canonice facte et iuste ac in favorem et sublevamen pauperum infirmorum dicti hospitalis pura et sincera intencione factam et peractam invenimus, precibus venditorum et emencium predictorum benignius inclinati ad huiusmodi ecclesie iurispatronatus eiusdem agrorum et bonorum predictorum vendicionem nostrum adhibendo consensum benivolum et expressum, ipsam vendicionem omniaque et singula alia in dictis wulgaribus litteris contenta descripta et expressata divine pietatis intuitu et alias pia intencione moti approbanda ratificanda et confirmanda duximus et ordinaria nostra auctoritate tenore presencium in dei nomine approbamus ratificamus auctorizamus et confirmamus, omnem defectum, si quis in dicta vendicione ommissus foret forsan vel pretermissus, per quem hec modo quovis reddi possent decetero invalida, supplentes hiis nostris scriptis adhibitis eciam in hiis et circa ea verborum et gestuum tam iuris quam facti solempnitatibus et cautelis in talibus de iure facto vel necessitate alia quovismodo adhibendis. In quorum omnium fidem roburque perpetue firmitatis sigillum nostrum episcopale presentibus nostris transfixi litteris fecimus subappendi. Datum Constancie anno domini millesimo quadringentesimo decimo, III non. novembris, indictione tercia.