Wir Albrecht von gotz gnaden bischoff ze Costentz¹ tund kunt vnd verjehent offenlich mit disem brieff, das fur vns kam an dem tag, als diser brief geben ist, der from vest Burkart von Helmsdorff² vnd offnot vor vns, dz er von dem spital ze sant Gallen³ vnd sinen pflegern an barem gelt enpfangen hab vier vnd nuntzig pfund pf(ennin^g guter Cost(entze^r muntz, der er gantz gewert sig vnd in sin nutz bekert hab, vnd dz er dem selben spital vnd sinen pflegern fur sich sin erben vnd nachkomen vmb dasselb gelt ze kouffen geben hab recht vnd redlich eines ewigen kouffes dz gut gelegen ze Obergoldach⁴ genant Hermenstorffs gut, dz vor ziten der von Burglen⁵ wz, mit huser mit hoffreytinen mit aker mit wisen vnd mit aller zugehord vnd gilt jerlich acht malter korn sant Galler messes vnd ein lb. d. Costentzer muntz, dz da gat von den hoffstetten, so dar in gehort, vnd ein pfund pf(ennin^g gilt dasselb gut, dasselb gut von vns vnd vnserm bistum lehen ist, vnd batt vns der selb Burkart von Helmenstorff demutiklich, das wir dasselb gut von im vff nemen woltind, won ouch er es dem selben spital ze kouffen geben hetti, mit allen rechten nutzen gewonheiten vnd zugehorden, als ouch er dz genossen vnd besessen hetti vnd als dz an in komen vnd bracht wêre, vnd dasselb gut dem selben spital eigen woltin vnd ze eigen geben woltind fur vns vnd vnser nachkomen. Da haben wir angesehen, so vns der selb von Helmstorff dik getan hat dienst vnd ouch ie ein gotzhus dz ander zu solichen sachen furdren sol, vnd dz gross almusen, so in dem spital teglich geben wirt, vnd dz och vnser vordren den selben spital ein teil gestift hand, vnd haben dz selb gut von im vffgenomen an vnser hand, won sich der selb Burkart alles sines rechten vordrung vnd ansprach gen dem selben spital vnd sinen nachkomen fur sich vnd sin erben gantzlich dar an enzech, vnd haben dasselb gut mit husern mit hoffstetten mit akern mit wisen mit zins mit gelt vnd mit aller zugehord dem selben spital ze sant Gallen fur vns vnd vnser nachkomen bischoff vicarie oder pflegern, ob dz bistum asatz wurd, geaigent vnd ze aigen geben vnd geben inen dz ze eigen mit disem brieff, vnd enzihend vns an dem selben gut gen dem selben spital fur vns vnd vnser nachkomen aller lehenschaft vnd alles des rechten, so wir an dz selb gut je gehatten oder noch gewinnen mochtind mit ald an gericht oder jeman von vnser wegen in kein weg. Vnd ze vrkund geben wir obgenanter bischof Albrecht von Costentz vnser bischofflich insigel fur vns vnd vnser nachkomen an disen brieff. Der geben ist ze Cost(ent^z vff vnser pfalentz an mentag nach sant Hylarien tag nach gotz geburt vierzehenhundert vnd in dem einlifften jare.