Ich^a Burkchart von Ramschwâg¹ ze den ziten des edeln wolgeborn heren grâuf||
Hugen von Montfort heren ze Bregentz² mins gnadigen lieben heren vogt ze||
Nunburg³ bekenn vergich vnd tun kund menigklichem mit disem offenn brief, das||
mir der fromm vest ritter her Marquard von Emtz⁴ vnd Stephan Eggenstainer geben vnd bezalt haben ze rechter zit vnd vor allem schaden von mins obgenamten heren grauf Hugen wegen die vierdhalb hundert Rinischer guldin, die im die frommen vesten ritter her Burkchart von Rabenstain⁵ vnd her Vlrich von Wyspriach⁶ schuldig waren ze geltent by ainem besigelten hobtbrief, den ich in mit disem brief hinuss zu irn handen geben hab. Vnd dauon so sag vnd lâss ich die selben baid gelter vnd ir erben vnd och die obgenamten hern Marquarten von Emtz vnd Stephan Eggenstainer vnd menigklich andern von iro wegen ietz vnd hienach gantzlich quitt ledig lôs vnd fryg der obgenamten vierdhalb hundert Rinischer guldin fur den obgenamten minen heren grauf Hugen vnd sin erben vnd fur mich selb vnd fur menigklich andern von sinen wegen mit vrkund dis briefs, dâran ich min aigen insigel ze end dirr geschrifft inwendig gedrukt hab. Geben ze Veltkilch⁷ am nechsten suntag nach sant Georyen tag nach Cristus geburte viertzenhundert jâr vnd darnach in dem ainlufften jâr.