Wir^a der burgermaister vnd der rât gemainlich der statt ze sant Gallen tun||
kunt aller manglichem mit disem offenn brief von der stoss vnd misshellung||
wegen, so die ersamen der amman vnd die lantlut gemainlich ze||
Appacell¹ ain sidt vnd Herman Eggler von Gunta² ander sidt mit ain ander hant, darumb si tag sament laisten wend Zurich in der statt vff den nahsten zwelften tag nach wihennaht, so schierost kumpt nach datum diz briefs, darumb so geben wir dem selben Herman Eggler ain gut sicher gelait fur vns vnd fur alle vnser diener helffer vnd die vnsern aht tag vor dem egenanten tag vnd aht tag die nahsten nach dem egenanten tag vngeuarlich. Vrkund diz briefs geben vnd versigelt ze end diser geschrift mit vnser statt vfgetruktem insigel an sant Johans tag des Ewangelisten in den wihennahten anno domini Mo CCCCo XIIo.