Frater Philippus dei gratia episcopus ecclesie Eystetensis vniuersis Christi fidelibus, ad quos pervenerit presens scriptum, salutemin eo, qui est omnium vera salus. - Cupientes Christi fideles quibusdam muneribus illectivis indulgenciis scilicet et peccatorumremissionibus ad pietatis et mise ricordie opera invitare, vt exinde reddantur diuine gracie apciores, omnibus vere penitentibus et confessis, qui ad cenobium in Altovado ordinis Cysterciensis Pragensis dyocesis in honore gloriosissime dei genitricis et semper virginis Marie constructum, in festo natiuitatis domini jn epiphania in festo pasce in ascensione domini in festo pentecostes in quatuor festiuitatibus sancte Marie in die dedicacionis sancti Johannis baptiste omnium sanctorum omnium apostolorum prima dominica in aduentu domini et dominica in palmis, causa deuoconis (sic) accesserint,aut qui eidem cenobio aliquid ad luminaria ecclesie siue ad alia monasterii necessaria de bonis suis dederint sev in morte legauerint,confisi de omnipotentis dei misericordia quadraginta dies iniuncte eis penitencie, dummodo dyocesani consensus ad id accesserit, misericorditer in domino relaxamus. In cuius rei testimonium nostrum sigillum duximus presentibus apponendum. - Datum Eystet anno domini millesimo trecentesimo sexto decimo in die sancti Marcelli pape et martyris.

Source Fulltext: PANGERL, Stift Hohenfurth (=FRA II/23, Wien 1865) S. 64