Cum nature humane condicio secundum status sui qualitatem ex prothoplasti transgessione pullulatam ad malum pronior quam ad bonum, ad dissenciendum quam ad consenciendum, in actibus ipsius quamuis legitime celebratis fore limpidius dinoscatur, opus est, ne in obliuionis nebulam decidant, literarum apicibus et testium munimentis eosdem sollicicius perhennari. Proinde ego Levpoldus ecclesie in Hoehenperg plebanus ad certitudinem presencium et memoriam futurorum libere et viue vocis oraculo protestor in hiis scriptis, quod prematura animi mei deliberatiua (sic) ex deuocionis ardore succensa singulariter me ad hoc inducente vineam meam in Lev^obsa, que wlgariter dicitur "an der aeinod“, progenitorum ac meorum peccaminum in remissionem monasterio sancte Marie virginis in Altovado ordinis Cysterciensis pure et simpliciter propter deum tradidi et donaui libere pacifice perpetuis temporibus possidendam contradicione qualibet procul mota, proponens firmiter mentetenus et intendens meis caducis rebus, si quas exnunc habeo uel in futurum habuero, ob beate Marie virginis reuerenciam singularem iuxta mee possibilitatis affectum monasterium, honorari memoratum, nichilominus orationis continue suffragium ipsius sacri eiusdem conuentus sperans me in hoc et per hoc fiducialius adipisci. Vt autem hec mea prenominata donacio prenotato facta monasterio inconcussa permaneat et inviolata, presentem ipsi monasterio trado literam discreti viri Thome in Strobnitz plebani siglli munimine raboratam, quia proprio careo ista vice sigilli munimento. Testes autem, qui huic interfuerunt donacioni, sunt hii: Hainricus plebanus de Penesschawe, Albertus plebanus de Gretzen, Albertus plebanus in Sv^onberch, Alramus in Schoennawe plebanus, Thomas officialis in Hoehenperg, Wulfingus magister cehche ibidem, Otto judex in Strobnitz et Nycolaus filius eius, Chunradus Bohemus. Acta sunt hec in Hoehenperg in domo dotis. Anno domini M^o C^oC^oC^o tricesimo secundo xv^a indictione, VIII^o Idus Marci dominica, qua cantatur "Invocauit“.

Source Fulltext: PANGERL, Stift Hohenfurth (=FRA II/23, Wien 1865) S. 78-79