Nos frater Adam abbas Johannes prior Albertus subprior Hermannus cellerarius totusque conuentus monastery Sancte Corone ordinis Cisterciensis diocesis Pragensis recognoscimus tenore prelsencium vniuersis, quod curiam in Rowna et villa (sic) ibidem cum omnibus agris cultis et incultis pratis pascuis siluis rubetis fluuys riuulis et singulis iurisdictionibus ad eandem spectantibus dudum nobis per Johannem dictum Borowecz pro ducentis sexagenis grossorum Pragensium venditam sibi Johanni per nos integraliter persoutis omni eo iure libertate dominio, ut ipse Johannes Borowecz dictam curiam cum villa tenuit habuit et possedit, quam curiam cum villa nobis et nostris successoribus perpetuis temporibus libere tenendam tradidit assignauit et condescendit, ut in litteris desuper confectis plenius continetur, quam tamen curiam dictus Johannes Borowecz ad sue vite tempora tenere possidere vtifrui debuerat et habere vnacum curia Muscherad et pertinenciis eiusdem, quam etiam a nobis censualiter tenuit et possedit. Nos vero dicti abbas et conuentus intendentes nostri monastery utilitatem augmentare, volentes etiam incomoda seu pericula futura caucius euitare, que post dicti Johannis obitum occasione prefate possessionis sibi per nos et nostros predecessores factam et concessam possent per quempiam in futurum quomodolibet (?) euenire, matura cura deliberatione seniorumque monastery fratrum prehabitis consilys dictam Juhannis concessam possessionem iurisdictionem et curiarum dictarum et ville vsufruitionem a dicto Johanne Borowecz emimus et redemimus pro quattuor sexagenis grossorum Pragensium, quas sibi Johanni singulis annis usque ad vite sue tempora dare promittimus et presentare diuisim in sanctorum festiuitatibus Georgy et Galli a (?) quattuor septimanis post immediate sequentibus cum nouem et dimidia sexagenis grossorum et sex grossis census de villa ibidem et a robotariis prouentibus usque ad vite Johannis tempora tantummodo duraturis. Quod si non fecerimus, quod absit, extunc presentibus dicto Johanni Borowecz damus et concedimus omnimodam potestatem, ut nos et nostri monastery bona arrestare poterit et occupare usque ad dictarum peccuniarum solutionem et plenariam satisfactionem. In casu vero, si dictum Johannem Borowecz quattuor septimanis antedictorum Georgy et Galli terminorum deo permittente ab hac luce decedere contigerit, extunc censum memoratum, quem nos aut nostri successores dicto Johanni ad tale festum presentare deberemus, conthorali sue Margarethe ad huiusmodi tempus tantummodo soluere tenebimur, sed per amplius nequaquam soluere tenebimur quoquomodo. In quorum euidentiam et robur firmius valiturum sigilla nostra abbatis et conuentus presentibus sunt appensa testimonio litterarum. Datum anno domini millesimo quadringentesimo octauo in die sancti Vrbani.

Source Fulltext: PANGERL, Stift Hohenfurth (=FRA II/23, Wien 1865) S. 248-249