Nos frater Thomas abbas monastery Hylariensis Cysterciensis ordinis Patauiensis dyocesis ad vniuersorum noticiam, quorum interest sew quomodolibet intererit, in futurum deducimus per presentes, quod anno domini milesimo quadringentesimo octogesimo primo quarto die mensis Septembris monasterium in Altouado dicti ordinis Pragensis dyocesis nobis inmediate subiectum personaliter visitantes et reformantes statum ipsius temporalem invenimus et reliquimus per modum subnotatum. Receperant siquidem a festo Georgy anni domini milesimi quadringentesimi octuagesimi vsque ad festum beati Augustini exclusiue anni domini etc. lxxxi^mi vii^c xxxvi tal. xxiiii den. Expenderant autem per idem tempus vii^c xxxvi tal. xxiiii den. Et recepta correspondent totaliter distributis. Habebat vero idem monasterium inter certos debitores ad xl tal., obligabatur vero idem monasterium diuersis creditoribus ad redemptionem quingentos viginti sex aureos Vngaricos. Item habebat pre manibus in blado diuersi grani sufficienciam vsque ad noua. Item de vino tria vasa. De animalibus autem habebat equos sedecim boues viginti sex, thauros nouem vaccas quadraginta vnam vitulos nouem porcos quadraginta. Item de sanctuarys reliquiarum crucem solemnem deauro puro monstranciam argenteam extra (?) deauratam. Item dueampulle argentee et deaurate. Item de clinodys et vasis potabilibus habebat pre manibus quatuor pictoria argentea, item octo coclearia ex toto argentea. In cuius rei euidens testimonium sigillum nostrum presenti inventario duximus appendendum. Anno mense et die quibus supra.

Source Fulltext: PANGERL, Stift Hohenfurth (=FRA II/23, Wien 1865) S. 345-346