||
Wir Fridrich von Gotes gnaden lantgraver zcu Duringen, maragrave zcu Myszen in dem Osterland und zcu Landesperg, ||
graf zcu Orlamund und herre des landes zcu Plyszen , und wir Fridrich und Balthar, sine sune, voriehen und ||
bekennen offenlichen an disem geinwertigen brive, daz wir dem allerdurchliuchtigisten unserm lieben gnedigen herren hern Karl, ||
Romische kunige , zcu allen zeiten merer des richs und kung zu Beheim innewendig einem jare, daz uf die ||
wihennachten die weg sin an getreten ist uf unser swegere und oheim Ludwigen, Stephan und ire brudere, herzogen ||
zcu Beigern, nicht helfen noth dienen sullen, wann er uns aber nach den zcu kumenden wihenachten, als daz selb ||
jar uz ist uf die selben herren umb hulfe und dinst mant oder manen lezet, so sullen wir im uf die selben ||
unser sweger und oheim dienen und behelfen sin, als uf ander sine feinde. Mit gezeug dicz brives, der geben ||
ist zcu Dresden nach Cristi geburt drizcen hundert jar, darnach in dem nun und firzeigisten jare an suntag ||
vor dem Obersten tag .