||
Wir Rudolf der Elter von Gots gnaden herczog zu Sachsen, des heiligen reichs obrister marschalk, verjehen und tun kunt ||
offenlich mit diesem brieve, daz uns wizzentlich ist und wir do bei gewest sein, daz der hochgebornn furste und herre, ||
her Heinrich etwenn herczog von Slesien und herre zu dem Jawer, einer seligen gedechtnuss sine furstentum, herschaft ||
und lehen furmals, die weil er lebte, von dem allirdurchleuchsten fursten und herren, hern Ludweigen romi||
schem keiser¬ , einer seligen gedechtnuss, als von eynem romischen keyser, in der stat zu Frankenfurt genomen und ||
entpfangen hat mit den vanen, als fursten zu rechte ire lehen empfahen sullen. Mit urkund diecz briefs, der ||
geben ist zu Pyrn noch Crists geburt drewczen hundert jar und darnoch in dem eyn und fumfczigstem ||
jare, des nehsten mantags noch unsir Frouwen tag, als sie geborn wart.