||
Ich Leupold von Gots gnaden erwelt und bestetiget zu Babemberch bekennen offenlich an disem brif, daz ich durch genaden, ||
gunst und furderung, di der allerdurchleuchtigst furst und herr her Karl von Gots gnaden romischer kunig, zu allen zeiten merer||
dez reichs und kunig zu Beheim , mein genediger herre, an mich und mein stift offt geleit erzuget und getan hat, und auch ||
von sinen kuniglichen gnaden furbas mer tun mag, so gelob ich und han gelobt pey meinen trewen und eyde, den ich darumb ||
gen den heiligen getan han, dem vorgenanten meinem herren dem kunig Karl beystendig geraten und beholfen ze sein mit meinem leib, ||
vesten, landen, mannen und luten wider allermeniclich, niemand usgenomen, nach meiner macht, die weil der vorgenant mein ||
herre, der kunig Karl und ich leben on all arg list und geverde. Und dez zu urkund gebe ich im disen brif, besigelten mit meinem ||
insigel, daz daran hanget, der geben ist zu Nuremberg, do man zalt von Cristus geburt drutzehenhundert jar, und darnach||
in dem dreu und funftzigsten jar dez nechsten montages nach unserr Frowen tag, als sye verscheiden ist .