||
Wir Johans von Gots gnaden burggrave zu Nuremberg bekennen und tun kunt offenlich mit ||
disem brive allen den, die in sehin odir horen lesen, daz der allirdurchluchtigste furste und herre, ||
her Karl romischer kung, zu allen tzeiten merer des reichs und kung zu Behem, unsir lieber gnediger ||
herre, die vesten Flozz und Parkstein und waz dorezu gehoret, als ein kung zu Behem, von uns und ||
graven Albrechten, unserm bruder, umb siben tusent mark lotiges silbers vier und sechezig guter ||
behemischer grozze Prager müntze fur ie die mark tzereiten, geledigit und gelosit hat, und wir ||
dezselbin gelts von der bern gelt in dem kungrich zu Behem recht und redlich beczalet seind. ||
Mit urkund dicz brives, versigilt mit unserm insigel, der gebin ist zu Speyer nach Cristus geburte||
dreytzen hundert jar, dornach in dem drey und fumfczigisten jare, dez nechstin suntags nach santh||
Elizabethen tage .