||
Wir Ruprecht der Elter von Gots gnaden pfallentzgrave bei Rein, des heiligen reichs obrister truchtsezze und hertzog in Beyern, bekennen und tun kunt ||
offenlich mit disem brive allen den, die in sehent odir horent lesen, alleine die brive dez allirdurchluchtigsten fursten und herren, hern Karls romischen||
kungs zu allen tzeiten merers des reichs und kungs zu Behem , unsirs lieben gnedigen herren, die er ubir seine pfantschefte der stat und des landes zu Eger ||
und der vesten Flozz und Parkstein und waz dorczu gehoret, gehabt hat und die auch seliger gedechtnuzze die hochgebornen fursten, ettwenne kunge zu Behem, ||
seine eltern, durch merklicher sachen willen von dem heiligen reiche behaldin und dirworben haben, von widirczemer ungeschicht beide verbrennet und ver¬ ||
lorn sint, daz er domite sein recht nicht beweisen mag, als billich were, doch, sintdemmal, daz uns dieselbe pfantschaft wol kundig ist und wir sulchir gelegin¬ ||
heit wol und genczlich undirweisit sein, daz die obgenante stat zu Eger mit dem lande und die vesten Flozz und Parkstein mit allen zugehorungen dem kung¬ ||
reiche und der cronen zu Behem umb viertzig tusent mark lotiges silbers, sechst halben guldein florenczer gewicht fur ye die mark tze reiten, zu rechtem ||
pfande recht und redlichen von wegen des heiligen reichs versetzit sind, und sein eldern und vorvarn, kunge zu Behem in gewere und rechter besitzunge ||
derselben pfantschefte gewesen sint und er noch ist uff disen heutigen tag, des haben wir angesehen die besundir gnade und den nutczen, fleizz und auch die ste¬ ||
ticliche arbeit, domite der obgenante unsir herre, dez heiligen reiches nutz und ere getrewlich undirstanden hat, und habin auch gebruvet die merklichen getrewen ||
dienst, die seine eldern, ettwenne hochgeborne kunige zu Behem, dem obgenanten reiche erlichen und nuczlichen offte getan haben, wanne auch das kungriche zu Be¬ ||
heim ein edlez und wirdiges gelyet ist der, romischen cronen, so meinen und wollen wir sulchen schaden des obgenanten kungrichs zu Beheim vernumfticlichen understeen ||
durch die besundir trewe, domite wir, als ein kurfürste dem heiligin reiche verbunden sein, uf die rede daz der obgenante unsir herre daz selbe seine kungriche ||
zu Beheim durch sulchen tzweyvel icht beschedigit oder gehindirt werde, so bekennen wir mit wolbedachtem mute und mit rechter wizzen, daz die obgenante ||
stat zu Eger mit dem lande und die vesten Flozz und Parkstein mit merkten, dorfen, mit edlen und unedlen, armen und reichen, kreizzen und allen ||
czugehorungin, die in den gemerken derselbin lande und vesten gelegen und gesezzen sint, dez obgenanten unsirs herren, als eines kungs zu Beheim, seiner er¬ ||
ben und nachkumen, kungen zu Behem, und der cronen dezselbin kungrichs rechte pfantschaft lange gewesen sein und noch sein fur viertzig tusent ||
mark lotiges silbers sulchis gewichtes, als dovor begriffen ist. Und dieselbin pfantschaft bestetigen wir mit rechter wizzen in allir der mazze, als dovor ||
begriffen ist, und geben dortzu unsere gunst, willen und wort, als ein pfallentzgrave bey Rein, obrister truchtsezze und ein kurfurste dez heiligen reichs. Mit ||
urkund dicz brives, versigilt mit unserm insigel, der geben ist zu Speyr noch Crists geburtte dreyczen hundirt jare, dornoch in dem drey und funfczigsten jare||
an der nechsten mitwochen vor dez heiligen santh Niclas tage, .