||
Wir Albrecht und Ffriderich von Gotes gnaden buregrafen ze Nurmberg verichen und tun kunt offenlichen an ||
disem brif allen den, die in sehent oder horent lesen, daz wir dem allerdurchluhtigsten unserm lieben ||
gnedigen herren, herr Karln römischer keyser ze allen zeitehn merer des reichs und kung ze Beheim, mit ||
guter vorbetrachtung und mit unsers rats rat recht und redlichen verkauft und ze kauften geben ||
haben, im und dem kungreich ze Beheim, die lehenschaft der vesten und des pergs zu dem ||
Rotenberg, als die selben vesten und den perg unserer lieber getrewer Heinrich der Wildensteiner genant von||
Rotenberg von uns und unserer herschaft ze lehen hat gehabt, umb drew tusent guter und swerr ||
guldein, der wir gar und genczlichen von im gewert und bezalt sint, also daz wir, dhein unser erben ||
noch nachkomen nymmermer kein ansprache nach derselben lehenschaft der vesten und des perges zu ||
dem Rotenberg und über alles, daz zder selben vorgenanten vesten und perg gehört. daz der obgenant ||
Heinrich Wildensteiner von uns und unserr herschaft ze lehen gehabt hat, haben noch gewinnen sullen in ||
dhein weyse on geverde. Und daz daz also ewiclichen craft und macht habe und nymmer vergezzen werde, und ||
auch zu ainer merern sicherheit und urchunde geben wir disen brif, versigelten mit unsern grozzen anhangen¬ ||
den insigeln, der geben ist am nechsten montag vor sant Pauls tag, als er bekert wart, ze Plassen¬||
berg uf der vesten, do man zalt von Kristus geburt drewzehenhundert und in dem sechczigstem||
iare .