wor vnse Oheme dat ghehort edder gelezen, dat wy Pazewalk vnde den olden Torge

low to sundergest scholen hebben to lehne entsangen, mer wen vnse andere land, wente wy

doch des an vnsen scriften nergen ghesettet hebben vnde ok jn der warheit nicht gheschen

is, wente des was vtis nen nod, alse ok vnse Oheme screuen, vme des wyllen, wente do

vnser Gnediger her keyser Segemund vorgenant zeliger dachtnlsfe vns belende mit al vn-

seme forstendome vnde al vnser herlicheit, do lende he vns ok Pasewalk vnde Torgelow

mede, wente se dar mede jnne liggen vnde do he vns alle vorlende, do besltit he nicht -

baten, wente dede alle vthsprekt de beslut nicht buten, also dar steit apenbar ghescreuen

XIX. dig. etc. — also scholt vnse Oheme weten, dat wy Pasewalk vnde den olden

Torgelow nicht besundergest to lehne hebben entsangen, men samentliken mit al vnsen lan-

den, dar se mede jnne belegen sint.

Vurdermer alse vnse Oheme an dem suluen twelsten punct scriuen, dat wi wol wu- sten dat pasewalk vnde de olde torgelow to erer herschop horde vmle vnse oldern vnd aueroldern de men pandes wife befeten vnd Konink Segemunde dar wolden ane bfdre- gen, dat he ze vns fchoMe lehnen vnde wolden fe also an vnse were bringen vnd dat vns a'fulke bedregunge nicht hpJpen schal. —

Dyt scholden vnse Oheme auerwagen hebben vnde hebben vme forstliker ere willen vns vnde vnseme guden riichte so na nicht gescreuen an desfen dingen, dar se scriuen, wy lochenen vnse oldern vnde vorsaken erer vnde hebben vnsen Gnedigesten hern, hern konink Segemund zeliger dachtnisfe bedragen, vnde vnse vele wort dragen, ,logene, spelen vnde an eren antwarden scriuen fe vns mer den ens vor rouere. O wo herliken wolde wy desfe honlike, spottessche vnde doch logenastige wort vorantwarden, wen wy ywer wylkorden rich- tel: vnde sundergen vnses leuen hern vnde frundes vnses gewilleden auermans nicht ane schonden vnde vme ywer aller leue wyllen nicht gudliken sleten,

Jo doch wy witen vnsen leuen Oheme hir nichte alto sere ane, wente wy vormoden vns gantzliken vnde twiselen dar ok nicht ane, Hadde de Meister, de de honlike fciist ghe settet heft, se vnsen Ohemen an erer jegenwardicheit rechte ens auerlezen, van worden to worden, vnse Oheme hadden dar io ane tvvisel ene relcribende as ghemaket, vnde er se de scrist vmme forstliker ere wyllen also hadden stan laten, se hadden se er mit den tenen to reten vnde vnder de vote worpen, wente also wolde wy gedan hebben, wen vnse fcriuer en, dat gad vorbede, wor ane to na screuen. —

Tho deme drulteynden artikulo vnser Oheme jeghenrede, dar se scriuen, oft vns Pa sewalk vnde de olde Torgelow al gelehnet wern van vnses anbringendes wegen, dat wer doch ereme rechte vnfcheddelik. Dar scholt vns nicht ane: wente hebben fe wes rechts dar ane, dat wyl sik hir nw wol findende werden. Vnde als fe dar furder an kniip- j>en, dat ere vader scbole dar auer geweset sin, do wy here Wartslaff vnse lehen entfin- $>auptt^. II. Xt. IV- 49

386

gen men he was noch do neen Markgreue dar vme drofte he des ok nicht behindern, hir vlen vnse Oheme, er se gesaghet werderi, wertfe se dat doch noch an vnsen scristen nichten finden. Jo doch nw se dar as rflren, so scholet se doch weten, dat id al war is, dat ere Ieue her vader seliger dachtnisse vnse Ieue Oheme vnde besunderge gude gunre vnde frund dar io jn warheit by was vnde ok zuluen sordern vnde bestelleo halp, dat vns al vnse her- sop vnde sorstendom, dar Pasewalk vnde Torgelow mede jnne sint, ghelegen wart. Dat wy ok wol mit mennigeme manne nabringen vnde bewisen wolden, men wy vorbinnen vns dar doch nicht to, wente id wer men ene auervlodige bewifinge, de vns ok nergen to de- nen konde.

Thome verteynden artikulo vnser vpgenanten Oheme jegenrede, dar se scriuen, dat ere sorstendom eyn korsorstendom is, dar vme mach dar nicht as vorandert werden, sunder alder andern korforsten willen vnde vulbort, vnde furder thome vesteynden ghesette, dar se scriuen van der wedder ropinge Koning Segemundes; Dar antwarde wy to mit korte, is dar wor wes vnreddelken van deme, de des nicht mechtich was, van ereme forstendome vorandert, dat mogen se wedder manen, so se best konen, dar schelt vns nicht ane. Men vns doiuen ze nergen ane vormerken, wente wy vor ware wol weten, dat wy nicht an vn sen wprn hebben, dat van erer Marke vorandert is, ane allene vnse Slod nyen Torge low, dat wy myt herfchilde an eneme apenbare krige rechtferdichliken gewunnen hebbpn, hir vin me do rue wy ok to deffen twen vorscreuenen artikelen nicht antwarden, wente se vns nicht an roren mit alle. — — —

Vurder alse dar suluest vort an kniippen, dat id en grot arch wer, oft Stpde edder Slote vao. eyneme lande pandefwise vorsettet wurden, dat se dar vmme dar scholden auebli- uen vnde datme de breue dar aupr geuen, vorsaken vnde de oldern lochenen mochte osle bedrechtliken to lehne entlangen, edder wo dyt de artikel mit mer honliken vnde spottef- schen worden jnn holt, wente an dat ende, Dar vp seggen wy, oft vnse Oheme vns dar mede menden edder vns dar hon vnd smaheit mede to then wolden, so neme wy des wort fere to finne vnde wolden ze vmme hundert dusent guldene als rinfche ghudes goldes nicht geleden hebben, vnde bydden yw wylkorde richter, dat ghy wyllen jrkennen vnde fpreken, dat fe vns vor fodane honlike vnde fchentlike wort, also verne fe vns dar mede ment heb ben, scholet sone, wandel vorbote vnde lik vor doen, vnde sordern hir vp na ywer jrkennt- nisse wes recht fy. Jo doch wy vormoden vns gantzliken, dat vnse Oheme vns mid defseo worden nicht menen, wenle se wol weten, dat wy nene Stede edder Slote van erer wegeo to panden hebben vnde ok vnser oldern breue nicht vorsaken ok vns nichtefnicht bebben bedrechtliken lehnen laten. Wolden fe ok seggen dat Pasewalk vnde de olde Torge low scholden vnse pant syn, vnde dat se dar breue van vnsen oldern vp hadden, Dar zegge to, dat id also in der warheit nichten is. —

Fortmer als fe dar suluest an knuppen an deme ende, dat wy nymande reehts horen wolden, den hertoch Joachime vnfeme veddern, de en dar alto junk duchte to wefen vpde des Rechts vngelert, hir vp segge wy, dat alsuike spotwort den sak nichten vullen, ok nergen to vorQan, men vuwilieu telen, wente doch vnse vpgenante vedder mit suieme

387

rade wol alsulkene edder villichte groter sake wol vorscheiden hadden VDde sine joghent hadde dar nicht ane hindert, wente de vomunst vnde reddelcheit enes minschen vorvullet dat gebrek des olders vnde der tijd als dar sfeit ghescreuen LXXV1II di. monachus.—

Als denne vnse Ohenie furder jn deme vervndetwintigesten ghesette puncte edder artikulo ere jegenrede vppe vnse antwart scriuen, dat wy an Pasewalk vnde deme olden Torgelovve nene were ane pantwere hebben vnde id ok men pandeswise befitten; hir vme schole dar nene lange tiid to denen, dat wy vns dar rechts ane to theen mochten, wente itunde en pand dulent jar, jd bleue en pand. Hir antwarde wy to vnde seggen an dessen vnsen wedderreden, dat id so in warheit nichten is, wente Pasewalk de Stad edder dat Slod olden Torgelow sint vnsen oldern edder aueroldern oft vns newerlde ane ne- nen vorgnanten tiden van nemene keyser, Romesschen koninge edder Markgreuen to Bian- denborch pandeswise van der Marke vorsettet, men se hebben van older vnde rechte ghe- hort vnde ghelegen to vnde jn vnser herschop, al se vnse anderen Stede vnd Slote, vnde lig- gen ok noch hudighes daghes dar jnne, hir vme roach id ok vnse pant nicht sin alse wy dat hir vor nuch gherort hebben, dat wy alle hir vorjnren vnde van wordcu to worden vorniigen. — —-—

Furdermer alse vnse Oheme jo menen, dat Pasewalk vnde de olde Torgelow schole vnse pand sin, vnde menen dat tho bewisende mit welken breuen, dar se de auescrifte by den ersten artikel erer tospraken as ghesettet hebben, de jnne holden, dat welke hern dar ane benomet als bohuslaw vnde wartislaw, de se vor vnse oldern scriuen, bekennen dat Pasewalk vnde de olde Torgelow schole ere pand sin gheweset, dar vp bebbe wy gliesettet an vnseme antwarde vnd setten ok noch, dat de hern dar jnne benomet ne sin sint gheweset van der rechten linien des blodes der hern vnler oldern, dede Pasewalk vnde den olden Torgelow an weren vnde besittinge gehat hebben Vnde fe ok suluen dar jnne ne nicht ghehat hebben, hir vme konden se dar ok nicht ane vorgheuen vorfegelen edder vorbreuen mit rechte, wente dat is nicht ghegeuen, dat van deme ghegeueo wert, de des gheuendes nicht mechtig was, Alse dyt clarliken steit ghescreuen jn deme apenbaren texte jn C. Qu. aut. consul, jn fine entr. de jur. pat. vnde nemant kan eneme andern mer Rechts gheuen, we he suluen heft, als dyt hir vor mid bescreuenen Rechts anwisinge nuch bewert js. Hebben nw desse heren dar suluen nicht ane ghehat, wat mochten se denne eneme andern dar ane vorfegelen edder vorbreuen: dyt fette wy vppe ywe jrkentnisse. Vnde dat desse vorbenomeden hern van der rechten linien nichten sint, edder dat se an Pase walk nicht ghehat hebben, dat vorbynde wy vns nicht to bewisende, wente wy wylt vns nicht vorbinden vppe neen vnde nicht to bewisende, als vnse Oheme vakene don jegen dat recht. Scholde wy dyt doch van Rechts wegen na ywer jrkentnisse io bewisen, als wy doch nicht getruwen; so ware wy dat sulue vnvorsumet vnde vorbeden vns dar to, wen, wor vnde wo wy des to rechte na ywer jrkentnisse plichtich sin. —

Alse vnse Oheme hir entjegen setten an deme vifvndetwintigesten punkte erer je- ghenrede, dat se dat buk vnser telinge edder den bom vnser bort nicht ghelesen edder ghe- .seen hebben, wo edder an vvelker lynye desse vorgenanten forsten ghestan hebben, hir

49*

3S8

vmme scholde \vy en de bort gescreuen hebber>. Nw wy des nicht gedan hebben, nw seg- gen se dat desse wise dar de kindere erer oldern breue uiede vorleggen wyilen der nygen vunde dede argelist heten en sy, vnde wo de artikel dyt mit mer wordfen an sik holt, wen an dat ende. Dar segge wy to, dat vnse Oheine dat buk edder den bom vnser telinge edder bort nichten welen, dar is ne macht ane, wente wy ere bort noch viswerue myn weten. Ock wylle wy vnse bort mit en nicht tbugen. Jo doch jd is der menen werld, befunder- gest io alien dudesschen landen wol kuntlik, dat wy Stetinlchen hern barne, vnde nene makede edder karne hern vnde forsten van langen olden tide her geweset syn vnde sint ok noch: hir vice is vnse bort wol kuntlik genuch menigen manne, ane vn>» sen Oheme. —

Noch furder als vnse vakengenanten Oheme an deme suluen stukke scriuen, dat de vorgescreuen twen hern, de de breue, dar se de auelcrifte an eren schulden assetten scholen vth ghegeuen hebben bi ereme leuende de herschop, land, lude, wapen vnde jngesegele ghe- hat hebben, alse wy nw hebben, vnde se hebben gheweset ane twifel hertogen to Sletin, lo pamern, der wenden, der Casluben vnde forsten tho Rugen vnde se kont nicht weten wes se ghesundiget hebben, dat se na ereme dode vth der telinge sunderget werden, vnde we dat de artikel mit mer worden an sik holt wente an dat ende. Dar vp segge wy dat vns dunket, dat vnse Oheme vnse scriste jo nicht recht men na ereme tnudwillen vornemen vnde duden, wente wy nerghene scriuen, dat de hern van vnser bort edder telinge nicht ghewe set syn. Men wy scriuen dat se vnse oldern edder de nicht gheweset fin, de Pafewalk edder den olden Torgelow an eren vnde besittinge hat hebben: hir vmme hebben se ok de suluen land vnde lude nicht ghehat, de wy nw besitten, als vnse Oheme meynen. Wol hebben le alse. wy gissen, den suluen namen vnser Stetinschen herschop ghehat, mea noch kone wy dat nicht enkede edder vorware weten> wente als wy van vnsen oldern anrichtet syn, vnde ok an olden kronikeu wol gheleseu hebben,, so liebbe wy an al vufer telinge ne eoeu bohuslaw edder wartislaw ghehat hebben, men wol euen Buggeslai's edder wartllafs, dat sere entwey drecht vnde liadden dyt Stetinsche hern scriuen laten, se hadden jo eren namen rechle tetten laten.

Weren denne ok ouers desse twe hern Bohuslaw vnde Wartislaw, desse vor gescreuen twe breue scholen vorsegeld hebben, Stetinsche hern gheweset, des wy doch nicht ghetruwen, so segge wy doch, dat wy des nut alle nicht to stan, dat se de breue vth ge- geuen hebben,. dat apenbar sik suluen wol clarliken vth der tunge vnde spraken, dar de breue ane gheseltet vnde gescreuen sint, wente vnse oldern vor edder wy na edder nene niderlandessche heren aldusdaner tunghe edder sprake ne ghebruket hebben edder ok noch nicht bruken. Ok loue wy des mit nichteniebt, dat de jngesegele dede vor den breueo henghen, sint der heren geweset by ereme leuende, de an den breuen benomet stan, edder der se secht werden tho wesende, men wy vormoden vns- vnde kont ok anders nicht gissen, dat dat ene sy des koninges van Portugal, dat andere des hertogen van Vene- dye. Men dat fe vnser oldern jngesegele gheweset syn, des loue wy nenerleyewys, ok kone wy des nicht begripeiu

Jo doch vp dat yw wylkorden Richtern fruntliken vorscheidern vnd ouermanne jo gantzliken kuntlik vnde apenbar werde, wo jd vrae desse hern gheweset is, so willet mer- ken: Dat auer langhen olden vorgangnen tiden, alse vnse oldern van eren oldern ghehort vnde vns vort an gherichtet hebben, do vnse ouerolderen myt der vorgenanten heren oldern vnse herschop entwey setteden, do wurden se also entwey • ghescheiden, dat de here Bug- geslaff de den ersten bref villichte schal vorsegeld hebben, dar he doch Bohustaw jnne ghenomet is, krech vnde em vyl tho de v/bghedige to wo-llin, thome Prittere vnde to kaseborch vnde wes dar jn horde, als dyt nw thor tiid noch endels befit, vor ere tisge- dink vnses leuen vveddern hertoch Buggeslaues seliger dachtnisse moder jn paraern, vnde de here wart si ass, de den andern bref villichte schal vth gbegeuen hebben, wol wert he dar anders, alse warti slaw, jnne ghenomet, krech dat land to Stetin vnde wes dar jo- horde, alse dat jeghenwardichliken befijd vnse leue vedder vnser Oheme swager, her Joa- chym; Sich wat rechts hadden nw defle hern to der vorsegelinge? mach en jslik jrkennen.

Noch surder dyt mit ener liknilse to- beleydende, so segge wy, vnse leuen veddern hern Barnim de junghere vnde Joachym fint ok Stetinsche hern vnde forsten to Rug- hen, also wol alse wy, vnde voren ok de suluen wapeo, alse den Grip. Jo doch oft erer welk nw vnsen Oheme, dat god vorbede, alsulke breue noch hutiges daghes vorfegelde, wy wolden des deme rechten ghetruwen, sodane breue scholden vns vnfeddelik sin: vnde hir wedder vmme vnser Oheme der Markgreuen js van Gotisgnaden jo to veer brodere leuen- dich, dede enerleye herschop, wapen vnde jngesegel hebben; doch wy vormodeo, vns wolde erer en, de des nw nicht an sineme deyle befit, vns Prentzelow oft Straseborch voc- fegelen, vnte Oheme scholden dat noweliken beleuen edder tostaden. — — —

Worden nw ghy scheideslude wylkorde Richter edder auerman jrkennen vnde spre- ken, des wy doch nicht ghetruwen, dat Pa fe walk vnde de olde Torgelow scholde vn ser oldern pan'd sin gheweset,. denne vnde nicht anders segge wy, wolden vnse Oheme dit pand wedder hebben van vns vnde manen dat, dat mochten fe io doen mit ener tofpraken vnde actien de en dar amme rechte to deoen mochte. Alfus mochten. fe hir tho bruken ener actien, de jn deme latino het pignoraticia. —

Wolden denne nw vnse Oheme hir wedderspreken vnde segge, se hadden Pasewalk noch nicht ghewunnen vnde vns ok noch mit waid nicht vth der be/iltinge dreuen edder geworpen, hir vme scholden se ok ere recht nicht vorlacen hebben edder an nene pine val- len fin, edder w» se fik hir mede dachten to behelpen. Hir entjegen segge wy, dat des ghenuch is an ereme quaden wyllen, den fe -dar ane bewifet hebben, wol ifset dar nicht na ghan wente de wylle wert allene anghezeen an vndaden vnde nicht de daet.

Nw wy mit der hulpe dor hilgen drefaldicheit vnde besundergest an deme benediden namen vnses hern Jliefu Cristi den ersten vnde swerensten artikel vnser Oheme tosprake, dor doch ere gantze, meiste vnde vasteste grund erer klacht vppe steit, reddelke nuch mit rechtlerdigeme antwarde reddelken vnde rechten wedderreden ghedenpet, dodet, delget vnde Torantwardet hebben, alse wy des mit der hulpe godes wol truwen to geneten, nw vppe dat vnfen Oheme nichtelhicht mit alle bliue vnvorantwardet, so wylle mit defsen vnsen wedV

390

derreden kortliken auerghan vn&e vorantwarden noch de veer andern artikele vnser Oliewc tospraken, dar vns twe as an roren vnde twe de vnsen van Pa se walk.

An dat erste alse vnse Oheme klagen, dat Ce mit vns hebben ghefeten an enerae cristenen frede, de vor Paspwalk ghededinget wart, dar se ok ene auescrift des sredebre- ues als en bebaget by den suluen andern artikel erer klacht gbesettet hebben, vnde dar en bauen binnen der tiid des fredes, alse de scholde stan hebben, wy en groten schaden ghe- dan alse se dar dupliken an eren schulden as roren vnde vppe grot geld achten scholen heb ben, vnde sundergest bydden se den nygen Torgelow wedder, dar vmme dat he en ent- ferdiget ys binnen deme frede wedder god, ere vnde recht, «dder wo dat de artikel ink jinen nafolgenden stnkken vnder mer worden an fik holt wente an dat ende. Dar vp segge wy, dat fik dat also init alle jn der waide nicbt Vorlopen heft, alse vnse Oheme scriuen wente se den frede ersten breken, alse wy dyt wo^ wener, wor an, was inalbe, stede vnde wise vnde an weme dat gheschen is, an vnseme antwarde nuch beleidet vnde bewert hebben, dat wy hir vmme der korte wyllen van worden to worden wyllen wedderreppet, vorinret vnde vorniget hebben. Vnde dat sulue vnse antwart, alse wy dat ghesettet hebben, wyllen wy ok also bewisen vnde oabringen, alse wy des van recbte na yuwer jrkentnrfie plichtich syn, dat wy vns hir to vorbeden als recht ys. —

Als wy deni»e an vnseme antwarde vppe dessen artikel hebben vns vorromet vnde vorbaden, vnde vorromen vnde vorbeden vns dar ok noch to, als recht ys, dat wy bewisen vnde nabringen willen, dat vnse Oheme vnde de erpn den frede erst gebrakcn hebben vnde den vnsen erst schaden vnde anval bynnen deme frede ghedan hebben, vnde den vnsen van Pasewalk tofore vnde assore benemen leten bynnen der tiid des berameden fredes; so hape wy to rechte vnde setten vp yuwe jrkentnisse, bidden ok vnde begem, ghy willen to rechte spreken vnd seggen; dat wy do vnser Oheme vygende ok wol wedder mochten wer- den vnde en vnde den eren toQigen vnde toschuven mit hern vnde frunde hulpe was wy konden vnde wes fe hir auer an roue, vanknifsen, vordinknisseif, dodslage vnde besundergen an der winninge vnses Slates nygen Torgelow schaden ghenamen hebben, den scholt se by sik beholden, vnde we sin en des nicht plege to vorbotende, vnde wes wy an desieme vnseme reddeliken krige gewunnen vnde jrworuen hebben, besundergest vnse Slod nygen Torgelow vrig vnde sredesam ewichliken beholden scholen; wente an eneme rechtserdi- geme krige, alse wy hir van vnser slid ghehat hebben, mach en sinen vygenden vnde ok roede eren hulpern vnde vndersaten roue nemen, ere personen gripen vnde ok ere Stede vnde Slote VDde hiiwete, dar en schade as schut, as winnen, beholden, breken oste vor- storen. Dyt secht apenbare de louelike here lnnoc. in c. olim. cam. jn si. magne Glosse sub verbo vim. extra de rest. spol. vnde besundergest io in alsulkeneme krige, alse wy hir hebben, dar en men sik vnde dat sine beschermet, wente dat het mer ene bescherminge, wen en krich; dar mach en sinen vygenden don alse he west kan, Alse desse vorbenomede her lnnoc. secht an der vorgerorden stede an deme anbeginne der vpgenanten groten Glosen.

Alse denne vnse Oheme hir vp dessen andern artikel erer tosprake an deme acht- vndetwintigesten artikulo erer jegenrede scriuen, dat wy to desfeme fredebroke vnbilliken

391

scholen neen seggen, na deme se dat mit vnseme veydebreuen bewisen wyllen; Hyr vp segge wy noch ens, alse wy hir vor vnde ok an vnseme antvvarde clarliker ghesettet hebben, abj wy dat hir vorinren, dat vnse Oheme den frede erst ghebraken hebben vnde dat wy en de veydebreue, dar se van scriuen, senden, dat schach al na der tiid, dat se den frede braken hadden vnde wy en vele fruntliker breue dar vme ghescreuen hadden, byddende, dat se id also voghen scholden, dat de frede van den even gheholden wurde, des allent nicht ghe- schach. Dar na do sende wy en de veydebreue, dar sta wy rait reddelcheit nicht vmme to straffende, wente vnse oldern id vns also ghelert hebben vnde gheeruet, dat wy vns an ne- mande wreken ofte vorhalen scholen, ane wy hebben ene vor ghewarnet vnde em entsecht. Dyt behort sik ok alse van Rechts wegen, weote alle tiid schal io warninge gan vor der wrake, alse wy dvt hir vor an beschernirage vnser jegenrede mit bescreuene Rechts anwi- singe nuch bevvert hebben.

Vnde dyt kiimt ok jo gantz wol euen der forsiliken truwe, datme io vor entsegge vnde valle tho eneme andern io nicht in vnvorwart vnde vnentsecht vnde bikke ene jn deme leger edder neste, edder alse de flege sallet in de baterraelk, Als vnse vakengenanten Oheme deden vor Pasewalk, alse (e ok an eren antwarden bekennen, dar se doch ane deden wed der god, ere vnde recht, alse en jslik wol jrkennen mach, doch en edder erer herlicheit to foren an nergen an to na toscriuende edder sprekende. Alsus wolde wy nicht doen; dar vmme sende wy en vnse seydebreue, dar se as scriuen; jo doch le vnde de eren hadden den frede vor gebraket, alse wy dyt bewisen vnde nabringen willen, als Recht i&, wen, wor vnde wo wy des na ywer jrkenntnisse plichtich sin vnde hir vorbede vnde vorbinde wy vns gantzliken tho.

Furdermer alse vnse Oheme jn deme suiuen achtvndetwingesten ghesette erer jegen rede scriuen vns to male fere domen vnde sik vorromen, dat se hende vnde lude hebbety de to kampe vnvordraten sin, vnde wo se suiuen vakene to' felde togen Cyn vnde sik jegen vns forstlikeme stride vorbaden hebben etc. Dar vp segge wy, dat wy vns nicht vordenken. konen, wor vnse Oheme sik jegen vns to stride ghebaden hebben, men wy weten wol, wen wy wor quemen, dar se weren, dat se de wagenborch uicht rumen wolden vnde sik ok ne mit vns vorfoken wolden ernsiafligen: wol quemen de vnsen mit den eren suntides to mate, vrat bote le dar ane nemen, de mogen fe an eynem wetsteyn knuppen. Vnde alse se scri uen van eren velen kempen, wolde wy gerne dat vnse Oheme, wen en eyns wat tiid to lope, dat fe des bequemeliken wol plegen konden, desfe kempen auer tellen vnde rekenen wolden: wente wy vormoden vns gantzliken, wen fe de rekenschop to legge, lo scholt se wol en schok vnde wat mer an der keringe missen: wente wi giflen vnde weten ok wol vowar, dat se erer n\v so vele nicht hebben, alse se hadden, er se sik vor vnse Slad Pa sewalk to felde leden, alse en jslik den sinen wol misset an erer Ianden, dar se ok moten vor antwarden an deme gruten vnde bittern dage, wen an vnser vnde aller minschen oren kiingen de wort Ite venite etc.

Jo doch desfe . dalen wort vnser Oheme van eren benden vnde kempen laten sik alto- wol scriuen eneme juristen mit de vedder vnde ok wot vthspreken des auendes by der Iud>

502

wen dat ber gift den mud; men hadde Cristus Jhefus falicbmakcr finen godlike frede 1irs- schen vns riicht ghesant, vnse Oheme scholden wol besunden bebben, wat ere vordretlike kempen, dar se van scriuen, konden vort ghebracht bebben.

Jegen de drudde klaclit est tosprake vnser Oheme, dar se scriuen, dat wy vnse her- fchop van en to lehne entfangen scholen vnde na derae wy se to rechter tiid stede vnde wise van en nicht to lehne entfangen hebben, so schole wy an denie lehne vorvallen sin; Segge wy dat vns dunket, dat vnse Oheme hir sik alto- hoge vorheuen an deme dat se mey- lien, vnse hern to wesende vnde hadde se auerlesen den ti. Quis dicatur dux, Comes uel marchio, so haddpn se wol de vnderscheidenheit tusschen vns gheseen vnde hadden sik se grotes dinges nicht vnderwunden.

Jo doch alse wy hir ok vp jn vnfeme antwarde ghesecht hebben, so heft dat nene stede vor eneme wylkorden richter edder sruntlikeme vorscheider alse wy dit hir vor ok mit bescreuenen Rechta anwisinge bewert hebben. Hir danken vns vnse Oheme vmme an deme envndedruttigosten gheselte erer jegenrede vnde dat is vns van herlen lef, dat wy doch jchfwes dankes an en vordenen. Jo doch wen vns vnse Oheme hir surder vme alse drowen vor eneme bequemen richter vmme beclagen wyllen, so werden se befinden, dat wy hir vp sunder reddelik antwart nichten sin ane twifel.

Worden denne ghy wylkorde Richter fruntlyke vorscheidere vnde ouerman jrkennen vnde spreken, dat god as kere, dat wy vns mit defsen reddelken vnde rechtferdigen jnsagen vnde wedderreden to desser vnser Oheme lateste klaclit vnde tosprake nenes ant ward es weyg- hern mochten, vnde dat wy dar io to antwarden van Rechts wegen scholden, des wv doch mit alle an deme rechte nicht ghetruwen, denne vnde nicht anders so antwarde wy vor de vnsen van Pa se walk alse ere rechte naturlike erfhern an (lesser nafolgende wise.

An dat ersle so beclagen vnse vpgenanten Oheme de Markgreuen de vnsen van Pa- sewalk an alsulker wyse, dat de Stad Pa fe walk van oldern vnde Rechts wegen en vnde erer herschop mit deme eygendome erfliken ghehort heft vnde noch hort vnde van nymande, de des macht hadde,, dar van bewiset edder vorlaten is. Jo doch so hebben de Borjrer- .meifter, Radraan vnde Borger dcr' vpgenanten Stad en ereo rechten hern der erfliuldinge weygert vnde vns gliedan en vnde erer herschop to groteme hone, laster vnde fmaheit oft schaden, des fe ok vppe alfulke sum men geldes oft goldes achten, de villichte an eren lan- den lange nicht gheueset, seen edder getellet sin, edder wo dyt desse erste arfikel mit mer worden an sik holdet wente an dat ende. Hir vp vorinre, wedderreppe vnde vornyge wy alle stukke, puncte vnde artikele, de wy hir vor an dessen suluen vnsen wedderreden jegea den ersten vnser Ohem klaclit vnd tosprake artikel, dar se vns an dersuluen wise beclagen, vnde setten.se hir an al eren clausulen wedder, alse se Iuden van worden to worden, vnde willet erer hir alse dar vp dat nyge bruken: vnde seggen hir vp mit korte, dat de van pa- sewalk orewerlde an nenen tiden, to soren an jo dat hide denken, der marke to gehort best vnde hort ok nicht hudiges dages, men fe heft an vnser herschop gelegen alse dat vns vnde vnsen oldern vnde oueroldern vor vnde vns na erfliken mit deme eygendome to ge hort nicht allene leyne, twinlich, druttich oft verticil iar, des doch van Rechts wegen nuch wei;

a!s hir vor nuch berort vnde clarliken mit befcreuenen Rechts anwisinge bewert is, men nw jeniche minsche denken kan, vnde licht ok noch hudiges daghes an vnsen landen, alse dat vnse, vnde hort vns vnde anders nymande, alse eren rechten erfhern van olden vnde Rechts weghen erfliken mit deme eygendome. Hir vmme dat de vpgenanten vnsen van Pa se walk- vns nw alse *re vorfaren vnsen oldern vor ghedan hebben de ershuldinge dan bebben, alse eren rechten naturliken erfhern, dar hebben se vnsen Oheme den markgreuen nenerleye hon, laster, smaheit edder schaden ane ghedan, des fe fik dar mid reddelcheit ane to theen mo- gen, wente allent, wes hir ane ghescheen is, dat is allent gheschen dorch tolatinge des hil- gen Rechts: hir vme is dat nenes strassendes wert. Dyt sette wy-vp ywe irkentnisse, bid den vnde fordern hir vp allent, wes Recht fy.

To deme andern male so anspreken vnse Oheme de vakengenanten vnsen van Pa se walk jn alsulkerwise, dat sy en truwe vnde horsam plichtich sin vnde eren schaden weren vnde sramen fordern scholen: jo doch so hebben se en an deme besundergen frede vor Pase- walk bededinghet Vnde vorsegeld, dar se mede jngetogen wurden vnde mede annameden, groten schaden an roue, morde, brande vnde wenknisse, vordinknifse etc. gedan hebben vnde ere syende gehuset, geheget, ghespilet vnde gesterket scholen hebben, dar se auer sint vppe hundert dusent gulden to schaden kamen, de se wedderlecht van en menen to hebbende ed der wo dat de artikel mit mer worden an sik holdet wen an dat ende. Hir vp segge wy vp dat erste, dat de vnsen van. Pa se walk vnsen Oheme nene truwe oft horsam edder eren sramen to sordernde oft schaden to kerende plichtich sin, mer den en jslik cristen minsche deme andern van rechteme naturliken Rechts wegen plichtich is: vnde vp dat andere van deme frede etc., dar segge wy to, dat id al war is, dat de vnsen van Pa fe walk mede gantzliken jn den frede getogen wurden, wol laten dat vnfe Oheme vth der auefcrift des fredebreues. — Jo doch hir enbauen Ieten vnfe Oheme bynnen deme frede den vpgenanten van Pa fe walk tofore vnde affore behindern, ere borger en afgripen vnde en dat ere mit waid vnde hofarde nemen vnde entfrumden jo vnvorwart vnde vnentsecht, hir vor mosten sik ok de vnsen wol entsetten mit vnser hulpe, vnde is hir nw vnsen Oheme wes schaden oft arges auer geschen, dat is alle gheschen dorch tolatinge des hilgen rechts, Alse wy bir vor by den artikel, dar vnfe Oheme hir vns hern sundergest vmme den sredebroke beclagen vnde alle stukke, puncte vnde artikele dar gesettet, wy hir van worden to worde vmme der korte willen wedderruppen, vorinren vnde vornigen vnde setten vp ywe jikentnisse, wes hir

ane Recht fy.

Wor vmme wy vpghenanten hern Wartslaff vnde Barnim de oldere broder, van godes gnaden hertogen to Stetin, der Wende, Pamern vnde Caffuben hern vnde forste to Rugen, begern vnde bydden ernstaftigen samentliken vnde vnser jslik by sik sundergen, dat ghy vnse wilkorde richter fruntlike vorscheider edder ghy vnfe leue be- sunderge her vnde frunt her Conrad van Erlichshusen, homeister an priitzen, vnse ghewillede ouerman, wyllen alle desse vorscreuene stukke der hilgen rechte to sinne nemen, wol auerwegen, jrkenuen vnde dar vp to rechte spreken, dat de Stad Pafewalk vnde dat Slod olden Torgelow van older vnde rechts wegen erfliken mit deme eygendome toupttff- H, B.IV, 50

394

vns vnde to vnfer herfchop ghehort hebben vnde noch horen, vnde dat vnse oldern vnde oueroldern oft vorteire vor vnde wy na dar jnne hebben ghehat vnde noch hebben ene nugastige vullenkamene wer, lange vnde alderlengefte fredesamlike besittinge vnde olde vnde alder otdeste voriaringe, vnde dat van des wegen de Borgermeifter, Radman vnde de ghe- meinen borger vnde jnwanere defler vorscreuen Stad Pa fe walk vns alfe pren rechten na- turliken erfhern vnde anders nymande der rechten erfhuldinge plichtich wern to donde vnde dat fe de vns ok mit gode eren vnde reddelcheit ghedan hebben vnde dat hir vmrae vnse vpgenanten Oheme de Markgreuen to Brandenborch so mit vnrechte hir enbauen de vnsen van Pasewalk vnde vns van erer wegen vnde na ereme namen manen mogen vnde be- clagen: vnde oft fe jchtfwes Rechta an defler Stad gehat hadden, dat god vorbede, dat fe dat dar vme, dat fe sik bynnen der tiid vnfer hengenden faken vor vnfeme alder Gnedige- steme hern deme Romellchen koninge vngeendiget vnde vnenlscheiden vnde fundergest an der tiid vnfer fredesamliken besittinge, er se vns dar mit rechte vthgebracht vnde de were mit rechte braken hadden, figentliken mit waid vnde hofarde wedder god, ere vnde recht, jo vnvorwart vnde vnentfecht to felde leden vnde wolden vns de, wen fe kont hadden, an louen, fate vnde frede as ghewunnen hebben, gantz'iken vnde mit alle fcholen vorbraken vnde vorlaren hebben: vnde furder dat wy van alien vnde ener jfliken klacht vnde anfpra- ken, dar vns vnde de vnfen van Pasewalk vnse letien Oheme mede bestrowen, fcholen leddich vnde los as fin, vnde bydden dat ghy vns dar leddich vnde los jegenwardiehliken mit ywme entliken ordele, vnde vnfen Oheme eren eruen vnde nakomelingen dar en ewich fwigent vp an leggen vnde fe vns furder an alleme fchaden, hinder, kost vnde theringe, alse wy dit an vnsen schulden geachtet hebben, vtghenamen ywe rechtferdige minnnge vellich delen vnde na rechts vorlope vordomen.

Vp alle desse vorghescreuenen ftukke vnde en jslik by fik forder wy recht vnde bidden, ghy willen vns hir vp spreken en godes recht, Alfe ghy dyt vor der hilgen Ro- mefschen kerken, deme hilgen Romesfchen Rike, vnfeme alder hilgesten vader deme pawefe, vnfeme alder Gnetigesten hern deme Romesfchen koninge vnde vor alien andern hern Car- dinalen, Patriarchen, Koninghen, des hilgen Romesfchen Ricks korforften, hertoghen, bifcho- pen, Grpuen, Prelaten, man vnde fteden, Geiftlik oft werlik, fe sin wes states oft ampts dat fe fin, vnde besundergeft an deme dale to Josaphat jn deme bittern vnde gautz groten dage des strengen Richts vor der hilgen drewaldicheit bekant willen fin. —

Gegeuen vnde mit vnfer beyder angedrukkeden jngefegelen vorfegeld nach vnfes he- ren gebort verteynhundert jar dar na jmme Souenvndevertigeften jare, am Sondage tho vastelauende, vp vnfeme Slote to Wolgaft, jn deme namen vnfes heren Jhesu Cristi. Amen.

iWacf) ban Originate M ®efi. Xah.-Htd)ittt.

Mum.. Sa* Original Hsfer 9Jrojt jifarift i(l aus 35 53ogen papier im gtiijjfen format unb so bity gefcrfingt g*fc6rie« 6en, lafj pet Botfhffienbe ?iu«jug nur ettta tin ,3'tjntljell bet ganjen ©qjrift umfajjt. £>c* befteift bat 8tu«ge» laffcne nur in au«fii(;tli<)en S»ed)t«bccncticnen. ©ie ((iflorifcben 53emerfungen, »flrt;« Ut i§4>tift cntrjdlt, finb im »cr(ie(:enben Kutyige mifgeltyeilt. — J)it ubiiaejt e^riftfisltfe bt« Stojffft*" ftno Urn $erau«gebH lit jfft nitfc* , |u ©eflctjte gefcntmtn. -

395