Desse nagescreuen schade >is vna, vrowen katherinen to meklenborch herto- ginnen vnd vnsen kinderen an deme lande to mecklenborcli vnd dessen nascreuen voge dyen gescheen bynnen der heren vrede vnd Sone van des Markgreuen mannen vte der marke to brandenborch vnd dar wedder in.

To deme irsten MCCCCXX1I in der vogedyen tor Nyen ftat Nemen de van kurae- lozen kule vnd koldune to Blitzernestorpe XVIII koye. Vortmer dar na plote van kumelozen brande de kerken to Muchow vnd als id das beleghen was, pucheden dat Teyne vth, nemen dar koye, perde vnd Swin, als id dar was, vnd gevenghen dar enen Man, de fumma lopet wol sos hundert bemesche Schok. Vortmer MCCCCXX1IIL10. nemen de Trebbowen vnd vette Hans to muchowe sos perde vnd twe jeghere perde.

Vortmer dar na to hant Nam Beteke kerbergh tome Stolpe viff perde ok nemen Hans Ror, Beteke kerbergh vnde Barekeman in. deme lande tor Nyenstat twe vnde twintich perde, achte ossen, venghen enen man vnde slughen enen man dot. Vortmer zo heft hans Ror beschattet vnsen man vte der vogedyen tor Nyenstat bynnen desser tyt, dat alle vanghenen dach scolden hebben.

Vortmer zo heft Bernd Ror tome Nyenhuse vnseme bure van Muchghowe dre tunnen.haiinges aflgeschattet.

Ok claghet vnse Borgermester van der Nyenstat, dat em sin Sone afgeflaghen is vnd is gescheen vanne Nyenhuse vnd dar to.

Desle nagescreuen schade is gescheen in den vogedyen grabow vnd gorlozen. To deme irsten Cone karstede, Gheuerman vnde Bareke man vnd des Ghanses knechte, defse weren vor grabow, Nemen hans. molenbeken twe perde zo gud alz &II lub. mark, vortmer Clawes gottzen VII perde zo gud alz L lub. mark, Vortmer kokerouen IIII perde zo gud als XXX lub. mark, Vortmer pallatzen twe perde zo gud alz sostich lub. mark. Ok wundeden ze Symon tymen beth in den dot: vortmer grepen ze pallatzen fynen knecht aff, deme ze aflchatteden fosteyn lub. mark: dit schach to der holenbeken aff vnd to, des ersten jares, do de heren den vrede makeden.

Vortmer jn desfeme jrsten iare, alzo de heren den vrede makeden, Nemen vor gra bow hinrik winteruelt, Hinrik greuenittze vnd Bolte grabow mit eren helperen Clawes Sutor dre perde, zo gud alz XV lub. marc, Henneke detherde IIII perde zo gud alz XXX lub. marck vnd slughen ene suluen dot: dit schach an funte jacobes dage.

49

Vortmer des midweken in der quatemper vor sunte mychele Nemeti juDghe hinrik greuenittze, deghener putzwakker vnd Trebbow vor grabow Symon tymen twe perde, zo gud alz XII lub. marck: ok vorlos ene ko zo gud alz III lub. mark: fair was hans plote mede.

Vortmer nemen vor grabowe des Ghanses Sone vnd des ghanses kuechte mit jren helpern Ludeman wisen veer perde zo gud alz XXI1II lub. mark. Item Clawes Ebelen IIII perde zo gud alz XXIIII lub. mark. Item Heyne muchghowen III perde zo gud alz XV lub. mark. Item do sulues den buren van prirtzwelke sos vnd vertich houede quekes zo gud alz hundert lub. mark. Vortmer in deme oweste van kumelozen iff vnd to, So mordede koldune heyne Scomakere enen borger van grabow vnd nam en X lub. mark: ok do sulues worden nomen Clawes tymen III perde vnd hermen knokenhowere IIII perde tosamende zo gud alz XL lub. mark: dat deden de ploten van kummelozen afft vnd to.

Vortmer Mathias van Bredow, do he voget was to goriozen, Hans plote, Bolte van grabow, Arnd diipowe to buttze, Dunttze kumpsuluer mis eren mede- helperen nemen den buren van kar ft ede vis vnd veftich koyezo gud als hundert lubesche mark vnd XXXIII lub. mark. Ok do sulues veer vnd veftich Often zo gud als hundert lub. mark. Ok XVIII Swine alz XXIIII lub. mark. Item XXXI feghen zo gud alz IIII lub. mark, vortmer worden dar sos lude grepen, den affgefchattet worden hundert lub. mark vnd XXXI lub. mark. Ok geuen ze to Stokgelde VI lub. mark ane andere vnplicht vnd schaden, den ze daranne deden. Ok worden dar to twe lude dot geslaghen vnd dre ghewundet beth in den dot. Item do sulues to Thechentin worden ghenomen dre vnde veftich Ossen, zogud alz hundert lub. mark vnde Souentich lub. mark, Ok achte vnd veftich koye zo gud alz an- derhalff hundert lub. mark vnd viff lub. mark, Ok druttich Swin zo gud alz XXX lub. mark Item Sos vnd druttich Seghen zo gud alz viff lub. mark.

Vortmer de van goriozen Nemen to ener andern tiitto karftede viffStighevetter Swin zo gud alz hundert lub. mark vnd tvvintich lub. mark. Ok nemen de sulues dar sos ossen vnd twe koye zo gud alz XXI lub. mark. Ok weren Mathias von Bredowen knechte to twen tiiden to karftede, puchgheden dat vtb, nemen dar an jngedomete, bedden, ketelen, grepen vnd klederen zo gud alz vppe soltich lub. mark.

Vortmer de voget van goriozen nam Gotscalkes luden van klenowe viffperdevnd viff ossen zo gud alz druttich lub. mark vnd slughen enen man dot.

Vortmer des Sondages vor sunte Mertene weren Hans vnd Jachim plote mit eren helpern to Cremmyn, Nemen dar alle vee, als id dar was, venghen dre bure, puchgheden dat dorp vnd vorbranden dat gantz aff, defl'e schade lopt wol vppe dre hundert lub. mark.

Vortmer hefft hans van qwitzow vte lentzen vnd dar vluchtiges in genomen dat queck to Brotelin mit synen knechten vnd medehelpern, dar de borgere van grab ow mede hadden sos vnd vertich houede quekes vnd druddehalff hundert Scap. Defl'e schade der borgere to grabowe lopt vppe druddehalff hundert lub. mark, Sunder der buren schaden.

Vortmer koldune vnd Hanses knechte van qwittzowe mit eren helpern hebben vorwusiet defl'e dorpe jn der vogedyento goriozen Alz Dadowe, Semerin, kerstftorpe $aupu9. u. æt>, iv. 7

50

vnd |de Bake vnd hebben dat gedan vte lent sen vnd dar vluchtiges in mit volbort der van lentzen.

Vortmer jarlank an sunte fabianus vnd Sebaftianus dage ifte nachte weren Syuert karstede, bans karstede, fiertolt grabovve vnd lange bans plote mit eren helperen, des Markgreuen huffittenden manner), in deme dorpe tome Crone, pucbgheden vnd boden- stolpeden dat, Nemen dar an queke vnd an ereme reden gude wol vppe dre hundert lub. mark vnd sJoghen do sulues dar ene arme vrowen dot.

Vortmer Bareke man, Teltzekowe, Hans plote, Mirtzener Borgheroggbe vnde de Seddineschen bouelude, alz de dar wonen, Nemen to der Nezen teyn perde zo gud alz veftich lub. mark, gevenghen Hermen brande vnd Clawes Bremere vnd wundeden Hinrik bremere beth in den dot vnd beschatteden de vanghenen vppe XXXVI lub. mark, de Bareke man vnd Bandovve des bysscoppes voget to witstok noch van deme brande tor Nezen vvillen hebbe.

Vortmer verteyndage na pascben Nemen Cone vnd hinrik van Redes ft orpe vor gorlozen vte den ploghen achteyn ossen vnd deden dat vte der Marke vnd dar in.

Vortmer des mandages vor vnfes heren hemmeluart dage Nemen vor grabowe Bareke man vnd Gherd wardenbergh HI perde.

Defle schade is Reymere van plesfen tor mernuttzen gescheen. To deme irsten grep my Otte van blomendale bynnen der hern vrede, dar mede weren de parle- bergeschen, de pritzwelkeschen, de kyrittzesch en, de habelbergeschen vnddes Markgreuen husiittende manne, als wilhelm von der weyde, de koningesmarken vnd Reyneke myntstede vnd moste en to schattinge geuen souen vnd twintich hundert lub. mark penninge verleye munte, dar to twe perde zo gud alz twintich lub. mark vnd hundert lub. mark vnd achte perde zo gud alz druttich lub. mark vnd dre hundert lub. mark, de my Reymere ok worden nomen, do my otte grep.

Vortmer worden my vor der mernitcze genomen viff Schok Swin, So gud alz verdehalff hundert lub. mark, Achte olTen, dre perde zo gud alz Sostich lub. mark. Ok do sulues worden vor der Mernitze gevangen Sos lude, de geuen to der Schattinge an bottern, an armborsten vnd an anderem gerede So gud als druttich lub. mark vnd twe hundert lub, mark. Desl'en scbaden deden my de markesfchen, Als Swarte van qwittzowe to der Nyenstat, Meyneke Ror, Phil ippus van grabovve de andern grabowen vnd de Rpppinere ere medehelpere vnd schach aff vnd to to der Nyenstat in dat lant to Rep- pin vnd to grabowe.

Vortmer to wodemittze in der vogedyen to der Mernittze gehetendat lutteke worden genomen veftich houede quekes ossen vnd koye vnd darsulues worden gevanghen dre lude. Defle schade Iopt vppe twintich lub. mark vnd twe hundert lub. mark, den dede my Stefsen kerselin van wiltberghe vnd dar vluchtiges wedder to. ,

Vortmer wart my asgevanghen kersten van Rede ft orpe, de gaff to der schattinge twe hjindert lub. mark vnd worden syne perde nomen zo gud als. hundert lub, mark: dat deden de markeschen als Curd plote mit synen helperen.

51

Vorlmer wart my Reymer van plessen Weysin asgegrepen vnd em worden syne perde nomen, de fchade lopt sik vppe dre hundert lub. mark. Dat deden Meyneke Ror, de karsteden vnd de Mintsteden. Vortmer is, my Reymere asgegrepen Hans van Redestorpe, de gaff to der schattinge Sostich lub. mark vnd em woiden twe perde nomen So gud alz veftich lub, mark, dat deden Bolte van grabowe vndAchim mollendorp. Vortmer wart myneme knechte Ghereke weysine genomen sin perd, So gud alz vertich lub. mark, dat dede marte wonaftich to Tuchen vnd syne helpere. Vortmer is myneme knechte Han fe van Redesstorpe vnd syner moder to zukowe genomen ere gerede, ketele vnd gropen vnd hans is noch gegrepen, ok worden em dre perde genomen, So gud als druttich lub. mark. Dat dede Ac him mollendorp vnd syne hulpere.

Defie nagescreuen schade is gescheen in der vogedyen to zwerin. To deme irsten na godes bort veer hundert vnd in deme dren vnd twintigesten jaren tusschen sunte mychele vnd sunte Mertene Nemen de Rore van der meyenborch, de Ghana van potleest, de Rore vanme Nyenhuse vnd de van der Schulenborch mit eren helperen to pikkatele, to Stenvelde vnd to Pynnowe veer Schok koye veer Schok Swine vte der mast vnd DX Stighe pluchperde. Vortmer worden nomen by deme See to ;$werin als to Sikhusen, to klene vnd to dem gallentine VIII stighe perde vnd verteyn Menne gevanghen, dar was Bernd Ror mede vanme Nyenhuse, de Ghans de hadde dar XV perde mede, Volrat van tzule van der walsmolen de hadde dar VIII perde mede vnd reth vanme Nyenhuse vnd dar vluchtiges wedder vp. Hir was ok mede Gberd wardenberg Lovvetzck geheten.

Vortmer zo is vse mannen den molteken in vnser vnd erer vogedyen to deme Strituelde dessen schade bynnen der heren vrede van des markgreuen mannen. To deme irsten is en asgebrant walekendorpe dorp vnd kerkhoff wol anderhalffhundert Tymer, dar worden viff Iude dot geslaghen dre Schok spade Nomen dre hundert rede mark ok an plun- derware zo gud alz dre hundert mark, dar vorbrande ok an queke an retscop zo gud alz viff hundert mark: vnd dit vorbenante dorp gifft alle jare pacht ver hundert lub. mark, der ze zodder emboren hebben. Delse schade lopt wol vppe veer dusent lub. mark. Dessen schaden deden Clawes van koningesmarke, Beteke kerbergh, junghe otte van blomendale, olde otten zone vnd junghe otten van blomendales sone, Meyneke Ror, Swarte van qwittzowe, Curd plote, des Bysscoppes houetman van Hauel- berge Ban do we, Snringh, Bringekopp, Trebbowe, Cone ynd Syuert karstede,

Hartwich plote Ludeke warnestede, Merten van kerberghe, de war-

denborghe van vntze vnd Ebele mollendorp to Cramvur vnd deden dat to wit- stok vth vnd vluchtiges to. Vortmer zo is en to Nicore genomen Sostich pluchperde druttich huse asgebrant by nachtslapender tyt, twe lude de dot branden, Rede ghelt, plun- derware, queck vnd Retscop, dat dar vorbrande, So gud alz twelff hundert lub. mark. Ok is en genomen van deme kerkhoue to San owe an redeme gelde, an perden vnde an plunder- ware So gud alz twe hundert mark: dessen schaden hefft gedan Curd plote, de mit syner brodern an deme samenden zyt. Vortmer ouer twen jaren in der vastenen nam hans Ror

7*

52

mit synen helpern leuetzovve to lunowe Sos vnd Sostich perde plunderwarevndpenninge So gud alz twe hundert Iub. mark. Ok nam he enen bure in deme lande to gnoyen eluen perde vnd schattete em aff vertich lub. mark.

Vortmer der vridages vor palmen Nam pipenpalm IIII perde vor zwerin vnd brachte de vluchtiges to geldenittze to. Vortmer Gherd wardenbergh mit synen helpern hefft gevanghen vnsen man Henneke Rauene. Vortmer des Sondages negest vor pinxsten als wy to witstok weren vppe deme dage, do nemen in vnser vogedyen to zwerin to deme pich- ghere Cone vnd hinrik van Redestorpe, hinrik van Aluessleue gumperdes broder, Gumpert van Aluessleues knechte Voltzeke van dadowe vnde Jarnatze Rey- neke myntsteden bure twe van verbettze Clawes vnd Thewes henningh melberges knechte twe van wo ft row, Hans van qwittzowen knechte twe Smylowe vnd Heyne witte Ok lange plote van kumeloze defle vorscreuen nemen dar veer Schok koye vnd teyn koye. Vortmer zo hefft Rauen van pentzen, de in vnse vedderken hertogen Al- brechten wedewen lissgedinge ziit, mit synen helpern deme bysscoppe van Razeborch vte syne stichte, dat wy vordegedingen, nomen VIII stighe perde, dre Menne gevanghen vnd enen dot geslaghen fik an en vuvorwaret. Vortmer bouen alien desfen vorscreuen schaden, So hebben de Ghanse van potleest, de Rore van der Meyenborch vnd vanme Nyenhuse vnd de jene, de ze houen vnd husen, vnd ok vele meer Markesscher Ma one bynnen der heren vrede in vnseme lande rouet vnd brant vnd wol veer dusent perde nomen, So gud als twintich dusent lub. mark. Vor alle dessen vorscreuen schaden Begere wy vrowe katherina to meklenborch dat gi Ieue here vnde Swegher vns vorbote, weddertat iite wandels vmme behelpeu.

9lad) Urn Originate.

MCDXCVR. £erjog £et'ttricb son ^ecfclnburg*©targstvb erflart ber SWarfgrajttt (Slifabetb, bafj er tie Slitffcfcimg be$ yiv SBittfhxfcr 3»tfst»tmenfunft anberaumtm £age$ genefjm balte unb bittet um (Stitlaffung bcr 2)fecfIcn&Mrgtfd>eri ©efangenen, am 12, SDfarj 1424t

Vnsen Vruntliken Denst touor Vnd wes wy guds vormogen. lrluchtighe hochgeborne ffurslynne Vrouwe vnd leue vrundinne. AIze vns juwe Ieue scriuen hefft von weghen vnses leuen Omes des Markgrauen, dat em alzodane zake weddervaren synt, dat he vp den dach to wystok vp den soDdach to Reminiscere *) nicht komen kan, vnd hefft juwer leue screuen vnd beden vns to scryuende vord vp den andern sondach, alzo de hilghe kerke singet Oculi**) so Aril line leue myt godes hulpe dar vnvortogen wesen. Leue vrouwe vnd vrundynne, alzo hefft vns vnse leue vedderke katherina van godes gnaden hertoghynne to Mekelen-

•) k. i. km 19. awiirj. *') b. i. ben 26. Slatj.

53

borg, ok gescreuen in erem breue, dat se den dach vppe den sondach Oculi ok holden wil. Leue vrouwe, so wil wy den dach ok vp den suluen sondach gerne holden vnd Bidden jw, dat gy bestellen myt vnsem Ome vnd heren, dat he vns vorer sende wente to Myrow dar wy ane vorward synt, de vns velych bringen von Myrow vnd dar wedder jn, anders wyl wy van Myrow nicht ryden. Vnd ok leue vrouwe, alzo gy scryuen in sulvem breue, dat de von vrankenvorde ere bodescop hebben by jw had vnd hebben jw claghet, dat vnsse man van vor stenberghe ere borgher grepen vnd vangen hebben vp der straten by stolpe vnd ok ander Borgher, alze des van Sassen, mysen vnd meydeborg vnd doringen, vnd syn gevangen vnd slaghen vnd ghold genommen; des wete juwe leue dat de juwen, de vter marke synt, alle los synt; men de andern, de noch na synt vnd vt anderen heren lande synt, de hebben de juwen helpen grypen vnd dat by bracht, dat de lude schynet vnd gre pen worden, dat vnsem Leuen Ome vnd Juwer leue noch wol to wetende werden, we se synt, vnd schal vns leet wesen, dat dat gescheen ys, vnd willen vns dar mj't truwen wider ane bewysen. Vnd Bydden jw, leue vrouwe, dat gy jw ok willen vorder an den vnsen bewysen, de vns bynnen Louen vnd vreden aff ge grepen worden, dat wy jw vnd juwen mannen vnd fteden vele claghet hebben, vnd Bydden jw dat, dat gy dat so bestellen, dat de vnsen ok los werden vnd dat ere wedder, vnd besiellet dat ze so dach kryghen wente to dem daghe, de to wystok wesen schal Oculi. Wo dat nicht enscheghe, so mochte dat jw vnd vns to beyden tzyden schaden dun. Gheuen in vnfer slad Nygenbrandenborg, an dem sondag alzeme zinget Jnvocauit, vnder vnsem Jngefigel, sub anno domini M°,CCCC°. XXllII0. Hinrich van godes gnaden Hertog to Mekelenborg.

Der Jrluchtigen, Hochgebornen surstinnen vnd srowen, Frowen Elizabeth, Markgrauinnen tzo Brandenborg, Borgrauynnen tzo Norenberg, vnser leuen vrundynnen vnd vrovven kome vnser Brev.