Na Cristi vnses hern gebort dnsent virhundert vnd in dem Sesz vnd virtigesten yar, am middeweken na vnsers hern hemelfard, bet et sicb vorlopen, dat vor dem Rade van beyden Steden Berlin vnde Colen komen is, wu eyn vtlandisch man, genant Nickel Aritz, med ouerraude eynen geistliken man vnd prister, bruder des ordinsz der carmeliter, am negstuorigen Sundage vor vnses gnedigen herrn desBischopps van Brandenborg Cancelie tu Berlin gewaldichliken ouer- farn vnd geslagen hadde, vnde darbouen vorbat en med finer were vor finer czellen wegelagede, also dat dyselue geistlike bruder nicht sicher vp der straten gan dorfte. Nadem denne vnse gne- dige olde here tu der tyt, alse beyde stede finer gnaden des gerichtes auegetredeu hadden, done rade van beyden steden irlouede, besul vnde ernstliken hit, oft ymand in beyden steden selffrecht, gewalt vnd ouermud drifen vnd began wolde, dat dy rad dy straffen solde, vnde solden darvmb an sinen gnaden vnd gerichte nicht breken, vnde wolde dat alzo gehad hebben: So bet dy rad van beyden steden, olt vnd nye, nach solcher beuelunge, med rade vnde vulbort der vir werken vnd gemeynen borger uth beyden steden, den alle sulk ouermud vnd oueruarunge nemelich eyns geist liken mannes gantz vmbilk vnde eyn grot misstan duchte wesen, den genanten Nickel Aritz gripen vnde in denTorm legen laten, dar denne vnse gnedige her Marggrafe Fridrich dy Junge med sinen reden so verre tusgen gededinget het, dat dyselue los gelaten is in nageschreuener wyse: am irsten het dyselue Nickel Aritz med guden willen vngenodigetvndvngetwungen vnserm gnedigen hern dem Jungen, dem Rade, virwerken vnde gemeynen borgern van beyden steden vpgereckeden vin- gern eyne orueyde gesworen, also dat he alle fine eruen vnde srunde, noch geboren, noch vnge- boren, noch nymant van orer wegen, vmme sulke fangnisse nummermer scholen noch willen saken, noch med arge noch med gewalt, noch med rechte, geistlich odder werltlich, noch med worden noch med werken, noch keynerlige wyse in arge gedenken gegin vnse gnedige here dy marggreue, oreme lande, alle ore vndersaten, vp den rad von beyden steden Berlin vnde Coin, alle ore bor- gere vnde inwonere, ore dynre, beyde, dy nu fin vnde tukunftig werden mogen. Vnde wes vnse gnedige here also van finer wegen gededinget hadde, wolde he stede vnde vaste holden, alse eyne gesunede berichte sake, ane allerleye geuer vnde hulperede, alse em god helpen solde vnde alle sin hilgen. Vorbat is gededunget, dat dyselue NickelAritz anharren sol vnses gnedigen hern marg- grauen Friderichs des olden tukunft. Vnde darup het he vnserm gnedigen jungen hern vnde dem Rade van beyden steden eyne gefengnisse gelouet, sich vor vnserm olden gnedigen hern, wan dy med vns komt, tu stellen vnde dem Rade vor sine gnade tu antwerden, wes en dy rad tu

293

schuldigen het. Vnd tu forder sekerheit, dat he sulke vorschriuen orueyde vnd dedunge ewigliken vnde dy gefengnisse vnd instellunge getruwelich stede vnde vaste holden sal, ane alle geuer, hebben darvor gelouet med eyner rechten samenden band dy vorsichtigen Nicolaus Rich ter vnd Sigis- mundus Stoltenhagen, vnses heren des prouestes thum Berlin dyner, in sulker wyse, wanne vnser her dy prouest seluen tu hus komen werd, worden en denne sulke vorgeschreuen dedinge vnde vorborgunge nicht gefallen vnde vnwilszam fin vnde der nicht beliuen, so so lien dy genanten borge den genanten Nickel Aritz denne weder instellen vor vnse junge gnedigen hern, dy en denne vorbat dem Rade van beyden steden weder antwerden wil. Des tu vorder orkunde hebben dy ergnanten borge ore gelouede vnde vorborgunge rued bekentniffe desser vorschreuen dedinge med orer eygen hand islik bosundern neden an dessen schrift vertekent vnd geschreuen. Alle sulke . vorschreuen dedunge sin geschin in den yare vnses hern crifti gebort bouengeschreuen am dunre- dage der octauen Ascensionis domini, vor vnser gnedigen hern hoff tu Berlin. Nachgchrifl: Thu merken, dat in dem vorigen vnses hern vorgeschreuen yar, an Sunte Borchardi dage, is deffe vorschreuen Nicolaus Aritz komen vor vnscn olden gnedigen hern marggraff Frede ric h, vnd die fake is vermiddelst vnsen gnedigen hern so verre gededunget, dat he sodaner vor schriuen fengnisse is los gegeuen vnd sine borge los gelaten, ydoch sal he sulke vorschriuen orueyde gantz vnd all holden, alse he dy gesworen het, so he dat ok dun selues med willen het begaet vnd ge- fulbort het vor vnsen gnedigen hern. Presentibus: Heyne Pul, Hans van Arnim, Henning Strobant, Wilke Blankenfelde, Hans Lange, Bertholdt etc. 9?a<$ finer glei^jeitigen Sbfcbrift im ©erliner ©tabtar<fc>e 9to. 1192.