Joachim, Churfiirst. Vnsern gunstigen grus zuuorn. Wirdigen, Hochgelarten, lieben. Andechtigen vnd getreuen, Nachderoe die kirche des klofters ufm berge vor vnserer Altenstadt Brandenburgk nunmehr ganz ledigk ist vnd durch mutwillig boss gelinde, was dorinne an gemel- den taffeln vnd and«rm gewesen, viel daran gestolen worden, vnd wir daffelbige durch vnlere ernstliche vorpott bisshero nicbt gentzficben vorkomraen konnen, Sonder ob wir gleich die Thure laffen mit steinen, Bretten vnd holze zumachen vnd verwarn, dennoch daffelbige In geheim, do man nicht allewege zusehen konnen, wider ufgeriffen vnd die kirche daruber offenstehen bleibt, vnd wo lenger zugesehen endtlichen weiter deformiret vnd entblost wirdet, Haben wir demnacli bedacht, Euch dieselbige sambt den zugehorigen gebeuden, Weil die auss Eurer khchen vnd von derselben vorfarn soil gestifftet sein, eintzureumen, vnd thun euch demnach hiemit bewilligen, das Ir berurtte kirche sambt den zugehorenden gebeuden an Heusern vnd was an Mauerwerk ist, mo- gett alssbalde einnehmen vnd fur Euere khchen haben vnd halten vnd wollet Ir daran sein, das die Thure vnd locher, dodurch man bisshero offte auss vnd eingekrocben vnd sehaden gethan, als- balde zugemacht vnd dermaffen verwharet, wie Ir am besten sein bedenckt, domit weiterer sehaden vorhut, vnd die kirche moge widerumb so viel moglich in ein form bracht werden vnd do Ir wu- stet oder erfhuret, das Jemandts wes auss der kirchen bracht oder vorhanden davon were, das wollet vns anzeigen, wollen wir trachten daffelbige wider dotzu zu bringen, wollen wir euch gne- diger meynung nicht vorhalten vnd seindt euch In gnaden geneigt, Datum Coin an der Sprew, Dornstags nach Letare, Anno etc. 1551.

9kd) etner 9l6fd)rift in 0. SB. tj. Staumcr't binterfaffenen yapinm.

64*