am 24. Slugufl 1347.

Wy Otto, von der gnade ghodes Greue tu zwerin, bekenne vnd bethugen openbar an desme breue, dat wy vns vmme alle schelinghe, de wy hadden mit dem hochborn vorsten vn- seme leuen Heren, Hern Lodewiche, dem Markgreuen tu Bran denboreh, ghanzliken vorenet hebben beyde vmme leen vnd vmme parleberche vnnd sunt der gheghan tu den Eddelen vor sten vsen Hern, Hern Waldemare, deme konynghe von denemarken vnd Hertogen Erike van Sassen tu louenborch deme Jungen, Wanne de tu lande komen, dar na binnen enen verdendel Jares scole de vs des enen ende gheuen. Wat de vs an beyden Syden do sprecken, dat seal vser en dem Andern dun vnd vast halden. Were ouer, dat desse konyngh vnd Hertoghe beyde as ghyngen, dar de ghot vor beware, so schal dit vorscreuen stan vppe vnsen Hern den Margreuen vorbenomet suluen vppe Hern frederiche van logghen, ridder, sinen Houetman, vnd Clawes hanen, knape, desse scolens vs och enen ende gheuen binnen eneme verdendel Jares darna. Wes de vs an beyden Syden bespreken, dat seal vnser en dem Andern dun vnd holden. Na desme jeghenwardighen daghe schal vse Here de Markgreue vs vses rechtes vordeghe- dinghen jeghen Alleswene vnnd schal minne vnd rechtes van vser weghen weldich sin, hir vmme so bitte wy em tu denste mit vsen landen, Mannen, Sloten vnd Steden vnd deme he dat hebben wil, dat schal he ouer dat dun mit sinen breuen. Vortmer were, dat wy jenegherleye Schaden nemen, dar vs ghot vor beware, in Orloghe van finer weghene in vsen sloten, he en schal sich nimmer ofte sunen, wie en hebben de slote wedder. Were och, dat wi slote in vnseme eghene Orloghe vorloren, he scol sich nummer daghen ader sunen, wi ne hebben de slote wedder. Vort

23

mer scole wi em denen mit vis vnde twintich mannen mit Helmen vnd mit vser banner, wor he des bedarf vppe sine eghenen cost, winn vnd vorlust. Wanne he dit van ve hebben wil, so seal het vs verteynaebt vor tu wetene dun, dar na scole wj em volghen vnd scolen em dar mede volgen binnen sinen landen vnd teyn mile dar buten, van dar sin Scbede heret. Wer, dat he vser vorder bedroffte vnd hebben wolde, dar seal he an vseme vnd vser manne willen maken vnd seal vs vpnemen laten in sineme neghesten Slote, dat bi vs is. Vortmer were, dat vse lutteke perde vorlorn, de schal he enghelden, so wanne he se wil ridende hebben. Were, dat he orse ofte Hingste vorlorn de vse, de seal he enghelden binnen ver wekene darna. Were, dat vse man ghevanghen worden, de schal he losen binnen eneme haluen Jare darna. Were, dat he vs suluen hebben wolde, he seal vs sulke bewaringhe dun vor vnse vengnisse, als finer manne twen vnd vser manne twen dunckt bescheden wesen. Were, dat wi van eme hulpe bedroften, wanne wi de van em eschen binnen verteyn nachten darna, schal he vs senden hundert man mit Helmen, mit finer banner vppe sine eghene cost, winn vnd verlust, we schun en ouer achte daghe de kost gheuen, bet he vnd sine win hebben moghen, darna seal he se suluen de kostynghen, de acht daghe cost seal me vs wedder legghen van der dyngnisse. Were ouer, dat des vs not were darna, he seal vns volghen mit finer ghanzen macht vppe sine eghenen cost, win vn vorlust. Were, dat he Slote wunne in vser Hulpe, de scolen sin half wesen vnd vse Half. Were, dat wy beyde strideden vp einenvelde, de Vanghenen scolen vse sin na mantalen. Were, dat wie eghen orloghe hadden, so seal he vs vse lant wedder legghen mit der lighende grunde: wat he dar bouene vordinghet, dat scole wi vpboren na man talen. Were, dat wi em de kost gheuen wolden, so scole wi de dignisse alene behalden, dat seal an vs stan. Were, dat wi orloghen sculden van finer weghen, dar em vigende so na beseten, wenn dat se vsen landen schaden mochten, den schaden seal he vs wedder legghen mit der vighende gude, oft it dar were. Vortmer were, dat wi vromen nemen, an welchen stiieken dat were, dar he nimende mede hadde, den scole wi suluen beholden. Were, dat vs Jemend vorvnrechten wolden an vsen Schede ofte wor dat dane were, dat fcol he vs bi beholden. Vortmer wi scolen em ock bebolpen wesen vppe alles wene, behaluen vppe Hern Hertoghe Erike van Sassen den Jun- gern vorbenomet vnd vsen veddern Greuen Clawese van zwerin. Minne vnd rechtes sole wi weldich sin van finer weghene ouer vse vrunt, binnen achte daghe darna schole em beholpen sin. Were, dat vser vrundt welk an dessen deghedinge wesen wolde, de seal deffen suluen deghedinghe neten. Dat dit stede vnd vast bliue, so Ioue wi dit mit vsen medelouen Vlriche van dry- berche, Ghotscalk prene, ridderen, gherold Hasencoppe, Hennyngh Nighenkerken vnd Henneken prene, knapen, vseme leuen Hern den Markgreuen vorbenomet vnd sinen me delouen, deme Eddelen manne Greue Vlriche van lyndowe, frederiche van lochen, deme Houetmanne, laurencius grifeke van Gryfenberche, riddern, Olden Hanssen van we- dele vnd ghereken Wulue, knapen, sunder jenegherhande arghelist vnd hebben vnse Inghe- seghel en mit vser medelouern Ingheseghele altomale tu desme breue ghehenght, de gheuen is tu Wizstok, na godes bort dusent Jar drehundert Jar an deme souen vnde virtighesten Jare, in sunte bartholomeus daghe.

3?<h$ bem Original im ©tabta«$it>e jn granffurt VIII, 3, 84.

24