Vor allermenniglieben, die dessen vnscn apenen brieff lien oder horen lesen, bekennen wy Lucas vnde Peter, brudere, die Trebbuse genannt, dat wy met gudeni eindrechtigen wolbe- raden mude, samender hand den Ersamen borgermestern vnde Radmannen beder Stede Berlin vnd Colen, die nw sin vnde tokomende werden mogen, Recht vnde redeliken to einem eigendome ver- kofft hebben vnde Vorkopen in Crafft dilses briues theyn stucken geldes vnde gudes met alien rechticheiden, friheiden vnde tobehorungen, als die an vns komen vnde von olders darto gewest vnde noch sint, nichtes nicht uthgenomen, also dat vpp der feltmarke vnde im dorpe to Berk holt gelegen is vnde die Ersamen fruwen, die ClausCzelendorpynne vnde vnseniuder, die Peter Trebbusynne, to geliken deilen suss lange to oren liffgedinge gehat vnde beseten hebben vnde sodan liffgedinge die genante vnse muder to oren andeyle, nemlich viff stucken, den genanten Borger- nieisteren vnd Radmannen der Stede Berlin vnd Colen vor vnsen Gnedigen herrn dem Marg- grauen med frihem lachenden mude recht vnde redeliken vorlaten vnde weder von em to einer wederstadinge eres liffgedinges Viertich schok Groschen merkischer landiswerung an guden berli- nischen Penningen to genuge entfangen hcd, Sunder die genante Claus Czelendorpynne sich ores andeyles von dem liffgedinge, nemlich Viff stucken by oren levende, nach irem willen mach gebruken, also dat nach oren dode ok datsulue gud gentzliken vallen vnd komen schall an die erge- nante borgermeistere vnde Radmanne der ergenanten Stede Berlin vnde Colen. Alles des ge nanten gudes scholen vnd mogen sich die obgenanten Borgermeistere vnde Radmanne der Stede Berlin vnde Coin vnd ore nakommen med alien vnd isliken tobehorungen vnde rechticheiden mechtich- liken vnderthien vnde to ewigen tiden geruchliken alss eres egendomes in der ergenannteh stede, mit nut vnde fromen, nach orem willen gentzlich gebruken, vngehingerd vor vns, vnse erven vnde ydermenniglieg sunder alle geuere. Vnde wy vorthien vns hiran aller rechticheid vnde insage, die wy daran gehabt hebben oder mogen hebben sunder allerleye hulperede. Vor sulke vorgeschreuen theyn stucken geldes Vnde gudes hebben vns ergenanten Trebbusen die vorgenannte Borger- mestere vnde Radmanne der Stede Berlin vnde Colen gegeuen vnde geruchliken betalt hundert vnd twintich schog Groschen merkischer Landweringe, yo achte penninge vor einen groschen to reken, an guden berlinischen penningen, dersuluen wy em vnde oren nakoraen seggen quyd, ledich vnde loss in Crafft difles briues, vnde wy vnde vnse erven scholen vnd willen em diffes Kopes eyn recht stede gewere sin vor vnsem gnedigen heren dem Marggrafen vnde allirmenniglieg ane alle gevere. To orkunde vnde rechter bekentnisse hebben wy vnse Ingesegele eyn yderman besundern laten hengen vnden an dissen briff. Nach Cristi gebord vnsirs herrn vierteinhundert vnde in dem eyn vnde sestigsten Jare, am mandage vor vnser leven fruwen dage Annuntiationis.

92<K$ bcm Orig. tm SSerliner @tabt»2n$i»e 92o. 84.

40*

316